أبرز تصريحات مرتضى منصور..اسم محترف السلة الإمريكي وبرتوكول التعاون مع فيوتشر ورساله تحذير لياسين منصور

أعلن المستشار مرتضى منصور رئيس نادي الزمالك عن التعاقد مع المحترف الإمريكي “تيريل هولو اي” لدعم فريق سلة الفارس الابيض الموسم القادم واطلق عدة التصريحات اخرى نسردها لكم

وقال مرتضى منصور في مداخله هاتفية ببرنامج زملكاوي عبر قناة الزمالك:” بحدثكم من سجن المزرعه، لم عيالك ياخطيب انا كل يوم معك كده لحد مااحرمك تنزل من بيتك، يوسف مشجع الزمالك “المبتور القدمين” يشرفني بكره في النادي الساعه6 كل طلباتك مجابه”.

وتابع مرتضى:” احنا مركزين في الرياضه والحاجات الانسانيه مش في فيديو الحلزونة وفرحان بالشهر الحبس، تعاقدنا مع لاعب سلة امريكي على اعلى مستوى ووقعنا معه العقود والصفقة حسمت وقال ساخرًا لسه هناخد موافقة امه، حاجه تقرف،اللاعب الامريكي اسمه تيريل هولو اي، افرحوا ياجمهور الزمالك،امير قدم طلب للاتحاد الافريقي لتاجيل القيد وتم الموافقه على التأجيل الى يوم15 سبتمبر لقيد الصفقات الجديدة وستلعب الدور التمهيدي وكاس لوسيل”.

واوضح:”الموسم بعد القادم هيكون معنا ابن احمد مرعي
ركز انت في الحكام واللي ببساعدك، اطمن ياجمهور الزمالك واوعى تفكروا الحُكم انه ياثر على الزمالك احنا مركرين في صفقاتنا”.

وشدد:”الواد اللي هربان في قطر وبيقولك ان الجمهور سافر الجونه على حساب الدوله وهو راجل شاذ هربان ملناش دعوه بيه ، بس المشكله مش فيه المشكله فاللي وراه، الراجل فيتوريا انبهر بالنادي زيه زي كل الوفود الاجنبيه التي زارت الزمالك، ده الزمالك اللي حارقك”.

وواصل:”انت من ساعه ما جيت مخدتش مني بطوله الا بطوله افريقيا اللي اتبعتلي جواب رسمي متروحش الماتش ، والڤار اللي بوظوه، و اللعيبه اللي تقاريرها اتضربت عشان متلعبش وكل ده عشان مرتضى ميشلش كاس افريقيا ، لان لو مرتضى كسب افريقيا مش هيعرفوا يشيلوه”.

واكمل:”ماتش ٣ صفر اللي الشناوي كان حارس فيه ، اقسم بالله تركي ال الشيخ جابه لبيبو الاسطوره وبيبو قاله انا هقعد فالاوضه عشان لما احلف على المصحف اني مقعدتش معاه ابقى مكدبتش ، وكلنا شوفنا الشناوي ساعتها لبسنا تلاته ، وربنا ردهاله في ماتش بيراميدز الاخير “.

واشار:”جماهير الزمالك المحترمه عامله بيان بتأكد انها جماهير محترمه بتقف مع ناديها ومجلس إدارتها ودي جماهير الزمالك العظيمه، أمير مرتضى وقع مع فيوتشر بروتوكول تعاون، اللعيبه اللي الزمالك مش عايزها هتروح لفيوتشر واللاعبين إلي الزمالك عاوزها من فيوتشر هتبقى الأولوية للزمالك”.

وتطرق في حديثه قائلًا: الأولية لفيوتشر في الصفقات ستكون للزمالك، وسيبك بقا من شوبير ملوش لازمه، والله جابوه في أون عشان ملقوش حد ممثل للأهلي”.

واسترسل: بقول للزملكاويه المحترمين محدش يشتم ابو ريده المحترم ، هما احمد وامير راحوا مع ابوريده واتكلموا مع رئيس الاتحاد الافريقي ورئيس الاتحاد القطري عشان الولد اللي اسمه هاني اللي هدد يعتدي على اللعيبه ساعه كاس السوبر الافريقي واللعيبه نزلت بتشيرتات الريس السيسي ، لكن بيبو الاسطوره ادوله الاعلام والصور قام راح اداها لابوتريكه ” .

واكد مرتضى:”هاني ابو ريده بيكلم الاخوه بتوع تشاد دلوقت نلعب ماتش الذهاب يوم ١٦ وبعدها باسبوع نلعب العوده والاتنين في مصر وعلى حساب النادي ، لو ابو ريده فشل في الناحيه دي قال هحاول مع رئيس الاتحاد القطري ان الولاد ولادنا هيقعدوا يومين هناك و بعدين يطلعوا بطياره خاصه يلعبوا ماتش تشاد “.

وشدد:”اللي بيقولي بقا الاهلي هيلعب مكان الزمالك بقوله وحياه امك اديني اماره ، ايه الرخامه دي ؟ انت جايب الرخامه دي منين ، احنا بطل الدوري ده وبطل الكاس وبطل الدوري ده،بقول لـ ياسين يا منصور ابعد عن الزمالك أنا عندي ليك حاجات كتير أنا مش راضي اتكلم عشان أخوك الكبير كان صاحبي، ده انت ملياردير يا أخي”.

واستكمل:بقولك يا خطيب أنا وراك حتى لو روحت سجن المزرعه وراك، بص يا محمود يا خطيب ده بيانك اللي هحبسك بيه ، وكل اللي انت فرحان بيهم اتكشفوا ، الواد الاخوانجي اللي قال انا متربي مع الحمير ، لما شتمني في ماتش الجونه بتاعهم ، الشركه المتحده المحترمه شالتها ، احنا زمان اللي كان بيقل ادبه كنا بنقدم فيه بلاغ ” .

واضاف :”البيان بيقول بث الفيديو الخاص بتصريحات سيد عبد الحفيظ اللي تم حذفه انه يتبث تاني ، يا سلام انت بقيت مشارك في التحريض على السب والقذف في قانون العقوبات ، انا بعمل بيان ضدهم وانت أول محرض ، متستخباش بقا خلاص ،الباشا أدى توجيهات ان كل الصفحات عنده اشتموه ونزلوا تصريحات سيد عبد الحفيظ ، ده انت جميل اوي وبتحرض أهو،انت عارف ان اكبر نسبه مشاهده في كل القنوات هي قناه الزمالك ، انت عارف ان فيديو البنج بونج داخل في ملايين وبيان الفنكوش موصلش ١٠٠ الف”.

واشار: انت قولت ان قدمت التماس اتحبس في المستشفى واترفض هقدم بلاغ ضدك بالتزوير فوقوا كفايه كدب بقى انا صورت اللي كتبته وهقدم به بلاغ للنائب العام، ومش هتصالح مع الخطيب هو ولاجوز بنته ولاعيلته، يا ترى جوز ابنته هياخد كام بعد ما استلم القناة ولوزودك.جنيه هيبقى تربح، ولادي ال2 مجاني بيسافروا ع حسابهم وبيشتغلوا”

واردف: ” بقول لجمهور الزمالک، اسماعيل يوسف في جلسات مستمره مع امير وجمال بشان الصفقات، وبطمنكم علي انا اتحسبت كتير، عندنا اجتماع مع كل العاملين بالقناة يوم السبت الساعه 4 عصرا، علشان نضع خريطة البرامج لومش لقتوني تعالولي المزرعه، بيبو انا ماخدتش ساعات ولا المبلغ من ده من تركي”.

واوضح:”هو الشهر هيمنعني اقول ان الساعات اخدتها ومرجعتهاش وان تركي الشيخ دفعلك استناني بكره وكل يوم في بلاغ وارقصي يا اختي يام.المعاطي، وبكره هيغنيلكم احمد شبيه انا مش فاضي لكم لما افضى اجيلكم،افخروا يا نادي الزمالك برئيسكم والشهر مش هيمنع والنيابه العامه قالت حصل ولاجنيه راح تحيامصر”.

واختتم: هغير القناة وهيكون فيها اكبر اعلانات للقناة المحلات والبنوك في سور النادي، ولونفذت الشهر باشا وهقول للمأمور فين اوضتي وتليفزيوني وحمامي، اللي ربنا معه ميخافش، ان شاء الله نفرح المباريات القادمه ونتعمل اكبر احتفاليه في الوطن العربي، وفي اتوبيسات لنقل الجمهور لاستاد اسكندريه انا صحتي تمام وخلي عيال بتوع صفحاتك العداد شغال بلاغات، واهم من الستر والصحه ان ربنا راضي عنك”.