أبرز تصريحات مرتضى منصور بشأن الصفقات الجديدة ومبادرة الصلح مع الخطيب ومباراة الجونه-فيديو
أطلق المستشار مرتضى منصور رئيس الزمالك عدة تصريحات هامه بشأن صفقات الموسم الجديد ومبادرة الصلح مع محمود الخطيب رئيس النادي الاهلي.
.
وقال مرتضى في مداخله هاتفيه بقناة الزمالك : ” بقول للجماهير التحفيز المبالغ فيه يضر الفريق، ولادنا مش محتاجين حد يحفزهم هم ابطال والجهاز الفني ابطال بجد دول كانوا في البدروم وطلعوا الدور الـ80، وفازوا بالكاس ومتصدرين الدوري
الزمالك اللي اخد الكاس مش مرتضى افرح يا ابني بالزمالك”.
وتابع: “يطلعوا يقولوا مش عاوزين اللاعب ده، هو انت عارف احنا تعاقدنا مع مين مايتردد في معظمه غير حقيقي مش انت اللي تحدد الصفقات ، هنعلن عن الصفقات بعد نهاية الموسم 9 صفقات وعقودهم عندي في الدرج”
واضاف:” المبادره أنتهت يا كابتن الخطيب ، مش همد ايدي ليك تاني ، في السابق عملنا مبادره نبذ التعصب و دلوقت بمد ايدي ليك وانت بترفض ، توقعت يطلع ٣ بيانات من الخطيب ، أول بيان يقول نحن نرفض ما يروجه الكاذب علاء صادق ، لكن انتم بتقولوا اللي هو بيقوله ، والولد اللي هربان في الكويت ويقصد ابو جمولي وقاعد يعيط ، انا هجيبك عشان تحترم نفسك وتتكلم عن الزمالك بإحترام “.
وأكمل مرتضى:” البيان التاني اللي كنت متوقعه ، أهلاً بمبادره مرتضى منصور وأنت عارف اني لا شتمت أمك ولا أختك ومحاميك بيلوي الحقائق ، وقومت بحبسه ، بقولك أتعلم من المرحوم طارق سليم الذي حضر عزاء حماده إمام على كرسي متحرك ” .
وأوضح: ” أنت لما نجحت أول واحد هنأك كان مرتضى منصور ،لكن لما أنا نجحت قولت أنا بيبو الأسطوره وأستكبرت ، خلصت المبادره وأي حاجه هتحصل هقدم بلاغ وهتبقى أنت المحرض “.
وواصل منصور : ” بقول لجمهور الأهلي كل اللي بيحصل للفريق بسبب الكابتن بيبو ، إحنا قدمنا مذكره لوزير الشباب والرياضه لإلغاء دوري كورونا ولكن كابتن الخطيب رفض وقال لا وعاوز أكمل ، إستحملوا بقا “.
وشدد :” الفرق كلها مدغدغه ، الولاد كلهم وقعوا يا كابتن بيبو ، كلنا مضينا على المذكره واشتكينا ، أنت عملت في اللاعبين كده والمنتخب خسر بطوله إفريقيا وبطوله كأس العرب وموصلناش كاس العالم “.
وواصل: ” كل ما يحدث بسبب عدم إلغاء دوري الكورونا ، وحضرتك عندت وصممت أن اللعيبه دي هتكمل لحد يوم 30-8 “.وجه المستشار مرتضى منصور رئيس مجلس إداره نادي الزمالك تحذير أخير للإعلامي أحمد شوبير بسبب تصرفاته الأخيره بعد مباريات الزمالك والأهلي في الستوديو التحليلي .
واكد مرتضى : ” أحمد شوبير وبخ حكم مباراه فيوتشر و حكم الفار في مباراه المقاولون العرب ، خلي عندك دم أنت بتحرج الشركه المتحده”.
وأشار :” هل يعقل يا أخ شوبير بعد ما الشناوي يروح ويمشي تتصل بيه يرجع تاني ؟ أنت جبت الشناوي بعد ما قبض من المحاسب وقاله لازم تقول ضربه الجزاء تتعاد ، هل ده حياد ؟ ، أنا قولت للشركه المتحده إن شوبير بيحرض الجماهير وهو والشناوي ، إلغوا فقره التحكيم الراجل ده بيحرض الجمهور على الحكام “.
وأردف : ” يا شوبير ما تجيب أبنك يلعب في الزمالك أو بيراميدز عشان محدش يقول مجاملات ، أبنك مش محتاج اللي بتعمله ده عشان يلعب هو حارس كويس “.
واسترسل مرتضى: : ” حكم مباراه بكره حكم يوناني ومدرب بيراميدز يوناني وبعض الجمهور قالتلي اتكلم ، هو أنا كل شويه هطلع بيان هو انا الخطيب ؟ ، والأخ سيد عبد الحفيظ بيقتحم غرفه الفار ، أيه القرف ده ، فين لجنه الإنضباط وجمال علام سايبينه طايح ليه ؟”.
وقال:”اللي حصل خراب والخروج من المتحده خسران وبقول للكابتن الخطيب أنت راجع تعيط ليه، وبقاله 4 أيام بيعيط عشان يرجع تاني، لزمالك كان بيحلم انه عنده قناه إلا لما المتحدة ساعدتنا، وفي اجتماع يوم الأربعاء مع العاملين في القناة علشان نضع السياسات الجديدة”.
وتطرق في الحديث قائلا: بقول للكابتن الخطيب هتجيب فلوس منين والمرتبات دي هتدفعها منين يا كابتن خطيب انت مشيت ورا علاء صادق ومحمد مصطفى، التراجع من قبل الشركة مش هيحصل ده قرار سيادي، احنا اتظلمنا بقرار المتحدة ومعملناش حاجة الزمالك في ضهر الدولة”
وأكد “مرتضى” :”لازم الشركه المتحده تراجع قرارها ومتمسكين عقودنا معهم واتمنى الشراكه اللى بينا تستمر ولو محصلش معنا فلوس ونقدر ندفع للعاملين في القناة”.
واضاف: عقدنا اجتماع مع الشركة المسئوله عن فرع الزمالك الجديد بالسادس اكتوبر اتفقنا على كافة الامور، سنعقد مؤتمر صحفي يوم الاربعاء بمقر الزمالك للاعلان عن كل الامور التي تخص الفرع الجديد، لدينا عروض من 3 بنوك لتقسيط العضويات للاعضاء والعضويات تصاعديه اول الف 100 الف و تاني الف 120 الف وهكذا
واوضح:” اتفقنا خلال سنتين سيكون الفرع موجود وهنبدأ التنفيذ ع طول وكل اعضاء النادي هيكونوا اعضاء في الفرع الجديد بدون اي اعباء مالية، من يوم 15 سبتمبر القادم ستكون العضويه بالزمالك ب700الف لسنا اقل من الجزيره وباقي،الانديه لدينا نادي عالمي”
ووجه حديثه لفرج عامر:” بقول لرجل اتجنن السلطه راحت منه ابعد عن الزمالك ايها المعتوه خليك في صيد السمك، وعرفت انك مبقتش تدير مؤسساتك وبناتك بتدير، بطل تخريف وضرب شائعات وابعد عن الزمالك، ومتخلنيش احكي عن الدود ولحم الحمير، بتقول شيكابالا وزيزو اتخانقوا معندناش لعيبه قليلة الادب، انت خرفت علشان عندك98 سنه احترم سنك وبناتك المحترمين لواتكلمت هتهرب من اسكندرية”.
واختتم:”يوم مباراة الزمالك و الجونه سيكون هناك اتوبيسات لنقل الجماهير لاستاد خالد بشاره بالجونة، الاتوبيسات ستتواجد من امام بوابة الحامديه الشاذليه الساعه11 صباحا للتحرك للجونة لدعم الفريق، سيتم توفير ساندوتشات ومياه للجماهير والاتوبيسات ستقوم بايصالهم للجونه والعودة منها فرحانين بفوز الزمالك”
