أبرز تصريحات مرتضى منصور.. بشأن الصفقات الجديدة ورده على بيان الأهلي ويوجه نصيحة للخطيب

اطلق المستشار مرتضى منصور رئيس نادي الزمالك عدد من التصريحات الهامه وذلك للرد على بيان الاهلي الذي لصدره انس الخميس للاعتراض على التحكيم وتهديده بالانسحاب من الكاس والسوبر بالاضافة لحديثه عن الصفقات الجديدة للفارس الابيض.

وقال مرتضى منصور في مداخلة هاتفيه ببرنامج زملكاوي عبر قناة الزمالك:” لدينا مباراة هامه جدا امام الجونه والمقاصه، ولاتستهر بالفرق متذيله الجدول ربنا يوفقهم ولهم مكافأة مثل مباراة بيراميدز”

واضاف:” تم توفير70 اتوبيس لنقل الجماهير للجونة مع توفير وجبه، ولابد ان يكون معه تذكرة وفان اي دي، ومن يخلع تيشرته انت رايح البحر”.

وتابع مرتضى:” بقول للخطيب انت انشغلت في البيانات لكن ولادنا مركزين في المباريات وامير وفيريرا ماشين في طريقهم واخدنا الكاس، وانت رفعت علي قضايا وانا مركز معك لان دي شغلتي”.

وشدد: ” ياريت بنفذوا طلب الاهلي و يقيلوا لجنة الحكام، لايعجبهم تقنية الڤار المشكله فين يا استاذ محمود ياخطيب في الحكام ولا اتحاد الكرة ولا لجنة المسابقات ورابطة الأندية”.

وواصل: بتخبط في كل الاتجاهات اتحاد افريقي ومصري والسعوديه والوداد المريخ والهلال السودانيين، انت السبب فيما يحدث بالاهلي الاستاذ محمود السيد ابراهيم الخطيب صمم يلعب دوري كورونا واجهد اللاعبين”.

واوضح منصور:” الاهلي معترض على الغاء هدف تسلل وبيقولوا بفارق مليمتر، و النادي اللي له 48 سنه بيتفرم وبيتظلم، يبقى الزمالك جبار، وهدف حسن شحاته اللي تم الغاءه وبنتحمل، وانت عمل مشكله علشان تسلل بمللي المشكله عندك يا استاذ محمود ان ولادك مش قادرين يلعبوا”.

واكمل:”بتهدد بالانسحاب من السوبر، انت اصلا في السوبر ليه؟ السوبر بين بطل الدوري والكأس، والزمالك صاحب البطولتين، عملوا مانشيت في المجله الرسمية، التحكيم الفاجر ينفع نادي بحجم الاهلي يقول تحكيم فاجر علشان هدف فيه مللي فرق”.

واردف: “نشروا صورة تجمعني بالحكم محمود عاشور، وسببها كان هو ظلم الزمالك في ماتش المصري ونزلت علشان اخرجه من الملعب لان الجمهور كان ببهاجمه”.

واسترسل: “انت عاوز تنسحب، هو احنا بنلعب حوكشه، اكتر نادي اتظلم واتفرم الزمالك من 60 و70سنة، التحكيم المصري اكتر نادي ظلمه هو الزمالك، انت قولت عاوز حكام اجانب جيب اجانب على حسابي انا”.

واشار مرتضى:” احنا مش طرف معك في الازمة، انا فارق عنك من قبل ماتش فاركو بـ5 نقاط، وانت بعيد عن الدوري لانك وحش السنه دي، وبلاش نضلل جمهورك، كنت عاوز تدخل صدام معي قولت الله يسامحك، داخل دلوقتي مع الدوله”.

وتطرق قائلا:” ليه انت عامل مشكله؟ انت كل يوم مشكله قولت الاتحاد الافريقي ظلمني ودلوقتي اتحاد الكره المصري ثم الوداد والمريخ السوداني وعملت مشكلة مع الجميع، انت خسرت كل البطولات شوف المشكله فين، البلد مش محتاجه انت بتشحن في الجماهير”.

واكد مرتضى: “انا بعت للشركة المتحده انه شوبير لايصلح يكون في قناةمحايده، الحكم السابق سمير عثمان بيقوله ربنا يكون في عون الحكام، يرد شوبير يقوله ربنا يكون في عونا احنا كمان، احترم نفسك بقى، لاما همنع حد من الزمالك يطلع في قناة اون،وبلغت سيف الوزيري واشتكيت له”.

وتساءل:”انت يا مين احمد شوبير؟ مؤهلك ايه انك تكون مذيع؟، احترم نفسك والقناة اللي شغال فيها وجايب سمير عثمان والشناوي، عيب انت عاوز تنزل الناس في الشارع يعني، والواد الهربان بيقول الدوله المتزملكه احترموا نفسكم بقى”.

واستكمل مرتضى:”ايه القرف ده سيد عبد الحفيظ المفروض يتعاقب دخل غرفة الفار، وحد في اتحاد الكرة قالي لازم يتوقف4 مباريات ده شغل بلطجه، واحمد موسى يقول الدوري راح يامحمد ابوالعنيين عندي لك حاجات كتير عنك انت، لم الواد اللي عندك ده”.

واضاف: احنا قرفنا ربنا يهديك ياكابتن الخطيب انت وبياناتك، اللي يحب البلد يهدى انت اتظلمت في مللي وحسن شحاته ب500 متر

ووجه رسالته للجمهور:” بقول للجمهور احنا ملناش دعوه بالازمه دي، احنا مركزين في فريقنا وعملنا صفقاتنا وفرع 6 اكتوبر مركزين وملناش في البيانات لنا في اسعاد الجمهور واعضاء الجمعيه العموميه، تعاقدنا مع لاعبين على أعلى مستوى وعدد الصفقات بيتضائل لان كان هناك لاعبين ليسوا في الحسبان المدير الفني طلب استمرارهم، لن اسير وراء اراء جمهور الزمالك بشأن الصفقات، انا بقوم بعمل الصح، جمهور الزمالك الفارس الابيض بالملايين وفوق رأسي، ولكن الصفقات ستكون من اختيار فيريرا.

واردف:”اسماء الصفقات الجديده التي يرددها جمهور الزمالك غير صحيحه على الاطلاق، امير مرتضى قام بعقد صفقات قوية للعاية واطمئنكم،انا مش همشي ورا مايطلبه المستمعون، انا همشي ورا مايطلبه فيريرا”.

وقال مرتضى: “نصيحه للخطيب بص في ورقتك وركز مع فريقك، وانت الخسران لانك انت وقولتلك قبل كده بلاش تعادي الدوله خليك مع مرتضى وباقي الانديه المصريه”.

وشدد:”بوجه للخطيب نصيحه من اخ اكبر منك وعضو مجلس إدارة في 1992 ثم نائب رئيس ثم رئيس ركز في ورقتك ومتحاولش تشحن الجماهير لانك تستعدي الجماهير على مؤسسه في الدوله دي جريمه، بلاش تمشي ورا العيال الهربانين وطلع بيان قول انك بتحترم الحكام والشركه المتحده

واضاف’:” ياخطيب لو الأهلي توج بالدوري فسوف نهنئه وننتظر منك تهنئتنا لو توجنا باللقب مثلما هنأناك من قبل عندما عدنا لمجلس الإدارة بعد تتويجكم بأبطال إفريقيا على حساب كايزر تشيفز،الاهلي مش فوق الجميع لكن مصر فوق الجميع اوعى تفتكر انك اعلى من دولتك”.

واختتم:” عندك واخد دخل اوضه الفار، اذا بليتم فاستتروا استتر انت ومجلسك، وبلاش تلعب بالجماهير انا بفوقك بلاش تلعب بالجماهير احنا مش هنعمل ميلشيات، الولدين الي قعدوا يقولوا عليا ياساقط ياساقط دلوقتي بيعيطوا (في اشارة لابوالمعاطي ذكي وعبدالناصر زيدان)”.