أبرز تصريحات مرتضى منصور.. حقيقة منعه من الظهور الإعلامي. وعودة أبوجبل للزمالك ورسالة ناريه لمحمد صبحي-فيديو
أطلق المستشار مرتضى منصور رئيس نادي الزمالك العديد والعديد من التصريحات الهامه التي تخص الفريق والصفقات الجديدة وعودة محمد ابوجبل مره اخرى ووجه رسائل ناريه لجمهور الفارس الابيض ومحمد صبحي المعار لنادي فاركو.
ويسرد لكم موقع زمالك نيوز اهم ماجاء على لسان مرتضى منصورفي السطور التاليه.
وقال مرتضى منصور في مداخله هاتفية ببرنامج زملكاوي عبر قناة الزمالك:” انا عاوز العيال اللي بتقل ادبها يستنوا مذكرة النقض وبراهن بكل تاريخي لو الاحكام متلغتش هعتزل المحاماة وهترك الزمالك”.
واضاف :”بلاش استفزاز انا مبهربش واخر إشاعه إني اتمنعت من الظهور في قناة الزمالك أنا رئيس مجلس إدارتها إزاي هتمنع احنا كنا بنتعامل مع شركة محترمة وايه رايكم انا على قناة الزمالك دلوقتي”
وتابع “مرتضى” :”انا بتكلم في قناة الزمالك وبلاش تكلموا في موضوع الشهر لأنه يسيء لكم انتم، لي عتاب على جمهور الزمالك، فيه ناس بتقول متتكلمش علشان خايفين على الزمالك، واسكت يقولك ممنوع من الظهور ودول مش جمهور الزمالك دول بيقبضوا”.
وواصل :” لو طلعت أوضحت وارد يقولك هتعيش النادي في قلق القضايا من 2018، والنبي ماتطلعش انت خايف على الزمالك ومش خايف علي وعايزني اتحبس، وانا لواخد 20 سنه مش هتعذر، ومجهز حاجات لجمهور الأهلي ولو نزلت كل ده جمهور الزمالك هيولع فيكم، ياجمهور الزمالك اطمنوا شوفتوا صفقة السله، صفقات القدم على تفس المستوى واكتر ”
واكمل: “وبقول لكل الولاد الصغييرين اللي بيهروا ان عامل لكم مشاكل، حسين لبيب جنتلمان ورجل شيك لما اتشتم قال لهم السوقه والعوام، المقصود مش مرتضى المقصود اي حد بيرجع الزمالك للبطولات وييرجع له هيبته”.
واردف:”انا متحمل علشان الجمهور والجمعيه العموميه واللي عملته في النادي وخلاص هنبني فندق عالمي وارض 6 اكتوبر هتتبني من فضلكم سيبونا تشتغل انتم عاوزين تطفشوني ليه؟”.
وشدد:”هيطلع 100 اتوبيس مع وجبات وميه لنقل الجماهير لدعم الفريق امام فاركو والاتحاد، اسكندرية مش بعيده، التواجد يكون الساعه 11 الظهر من امام النادي واهم شئ الفان اي والتذكره، هنعمل احسن احتفاليه لوفزنا بالدوري في الاستاد ابوجيله وحفله هيتواجد فيها هاني شاكر وواحد من 2 عمرو دياب او محمد منير”.
واوضح:” ياجمهور الزمالك ركزوا مع الفريق وانسوني لو قراتوا مذكره النقض هنقولوا الرجل ده جبل، ركز مع الفريق وجايبين صفقات على اعلى مستوى لو ربنا كرمنا بالدوري هنلعب بطولة السوبر المصري السعودي امام الهلال وربنا يوفقنا،ركزوا وشجعوا بكل حماس وباذن الله ربنا يكرمنا واللي ربنا اللي حاطط ايده على كتفه فمن عليه”.
واشار”مرتضى” :” بقول محمد صبحي انت هتفضل صغير وضئيل علشان لاعب كبير في الزمالك يكلمك وتقوله مليش مزاج العب في الزمالك، انت يلا ملكش مزاج تلعب بالزمالك والزمالك مالوش مزاج تعدي من قدامه، وكنت بتجي تعيط لي علشان 100 جنيه، قولت لـ أمير قوله أنت ترفض الزمالك الزمالك يرفض تشتغل فيه فراش، انت يلا بيدخل فيك 4 أو و5 اجوال خليك جمهور الزمالك قلبهم حنين، الزمالك قال طارق وحامد وابوجبل شكرا،ابوجبل اعتذر وعاوز يرجع وفيريرا مأجل الحسم لنهاية الدوري فيريرا مرفضش ابوجبل، لكن زعلان من طارق حامد لانه غاب وربنا كرمنا بلاعيبه تانيه”.
واستكمل:”عندنا ماتش مهم جدا امام الاسماعيلي لي طلب ياجمهور الزمالك متشغلوش نفسكم بيا فاضل لنا ماتشين الزمالك اهم مني والدوله لوعارفه ان انا غلطان كنت فورا حبستني، عندنا ماتشات مهمة لو فوزنا بفاركو والاتحاد هنحتفل باهم دوري في تاريخ الزمالك كله من فضلك خليك مع الزمالك ركز في الماتش ابعد عني اتحبست هاروح ازور اصحابي في السجن رئيسك لم يحبس في قضية ساعات ولا260 مليون ولا استيلا ع مال عام دي قضية سب وقذف،ومحكمة النقض قالت انت غلطان هعتزل “.
وتطرق في حديثه قائلًا :” انا ضد اللي حصل مع ياسر ابراهيم لانه مش من حق حد يشتمني امام مراتي و ضد ان رد فعل ياسر يكون بونيات اعتبره سفيه ومتردش، الواد بيقولك لك نفس تاكل وانت خسران دوري وكأس هو لو زملكاوي هيبوس ياسر علشان كان سبب في هدف الزمالك التاني في الكاس”.
وحرص مرتضى على توضيح فيديو فتوم المسرب” : فتوح مبيشربش الشاي يبقى بيسكر ؟ ولو بيسكر دي هتكون حالته في الملعب؟ عيب بجد يا استاذ محمود ابراهيم الخطيب لم العيال اللي عندك انت بتغلط بيتعمل ضدك بلاغ وصلوا 66 بلاغ دلوقت”.
واكذ: “يوم ما قولت مش هلعب ماتش المقاصه وملعتبش، لما قولت مش هاروح ماتش الاهلي ايام المطره والسيول مروحتش واتحملت المسئوليه،سمعت ان اتحاد الكره بعت خطاب بيعتذر انا عاوز اشوفه”.
ووجه رساله لهاني زادة:”انت عاوز تعزلني علشان في قضية سب وقذف، غيري كان عنده قضية استيلا على المال العام ومحدش كلمه، عندك قانون الرياضة2017 المادة94 بتقول اي حد ياخد عقوبه سالبه للحريه لارتكابه جريمه وفقا لهذا القانون تضرب مفرقعات وتضرب اتحاد الكره اوترمي شماريخ واقتحام الملعب، المادة 94 واضحه بتقول العقوبه ويتم عزله 5 سنين لايمارس اي نشاط رياضي وفقا للجرائم الموجودة، اللايحه حظه منيل قال مرتضى عمل لايحه اي حد يصدر ضده حكم يتعزل، اللايحه دي ممدوح عباس لغاها في المحكمة سبحان الله ربنا بيرتب ازاي”.
واختتم:” اللايحه الساريه الاستردشاية اي نص يخالف قانون الرياضة ارمي في الزبالة، واللايحه الاسترشاديه بتقول لازم حكم نهائي وبات وميكونش لسه في نقض”.
