أبرز تصريحات مرتضى منصور..زيادة أعداد جمهور الزمالك في مباراة الإتحاد والصفقه التبادليه مع فيوتشر والوقيعه بينه وبين فيريرا-فيديو
اكد المستشار مرتضى منصور رئيس نادي الزمالك انه سيسعى لزيادة اعداد جمهور الزمالك في مباراة الفريق القادمة امام الاتحاد السكندري، وشدد ان هناك صفقة تبادليه مع فيوتشر وتم الاتفاق على اقامة احتفاليه كبرى بالتتويج بلقب الدوري، واطلق تصريحات اخرى هامه خلال تصريحاته التليفزيونيه اليوم
ويسرد اليكم موقع “زمالك نيوز” ملخص لأبرز ماجاء على لسان مرتضى منصور في السطور التاليه:
قال مرتضى في مداخله ببرنامج زملكاوي عبر قناة الزمالك:” لازم اشكر جماهيرالزمالك المحترمه جدا نموذج للتحضر والوعي والادب وحاجه راقيه، الزمالك اصبح نادي عالمي وتاريخه مشرف في كل الالعاب وعهد تاريخ كره القدم بتعتبره بدأ من السنه اللي فاتت بسبب دخول الفار وتاثيره، هذا الجمهور العظيم ربنا كرمنا هو مش بيشجع لاهو بيعشق الكيان، انا اتشرف ان رئيسه والملايين دي انا عمري ماخذلتهم جمهور يتشال فرق الراس”.
وتابع :”على مر التاريخ جمهور عظيم وتحمل ما لايتحمله بشر، وكل التحيه لهم وللجمعيه للعموميه علشان اختاروني، انا معنديش التراس الكل اسمه حمهور الزمالك، وهم عرفوا ان الوقعيه اللي بيعملها ممدوح عباس، وعرفوا ان عاشق مثلهم، تحيه للجمهور وفيريرا هذا الرجل العظيم اللي بيخرف زي ماقالوا، الجمهور المتحضر محتاج وسائل مواصلات متحضره”.
واوضح :” تحيه لمساعدين لفيريرا علشان معرفش اسمائهم والمحترم اسامه نبيه وايمن طاهر وانا راهنت على عواد ومكنش له اخ كبير غيري، وكان بيتظلم وبقيت اقوله اصبر هتاخد حقك عواد لو المدير الفني لمننخب مصر ماخدوش هيبقى العيب في دماغه، ليه المنتخبات مبياخدوش حد من الزمالك اخدوا الحضري ووائل شيتوس،رغم ان في مدربين كتير منتمين للزمالك جيب حلمي طولان مؤمن سليمان اوخالد جلال”.
واكمل مرتضى:” العيال دي ابطال وعبدالظاهر السقا بيقول الفضل الاول والاخير لفيريرا، طب مين جاب فيريرا واللعيبه، فيريرا عبقري ومحدش هيعمل وقيعه بينا ،الرجل شايف شغله وانا شايف شغلي، هنحاول اعداد الحضور الجماهيري الـ2500 يكونوا 5000 او6000 في مباراة الاتحاد لان علاقتنا ممتازه مع الرابطه واتحاد الكره، اتفقنا نعمل احتفاليه لم تحدث في تاريخ الدوري”.
واضاف:” امير مرتضى اقسم بالله ولابياخد ولا جنيه وبيدفع من جيبه، ومبيرضاش يقولي اسماء الصفقات وقولتله انت رخم يلا، غير الاهلي عنده لجنه جوه لجنة جوه لجنة وبياخدوا فلوس”.
وشدد:”اتفقت مع احمد دياب على تبادل اللعيبه وقعد مع امير من يومين وقالي متعرفش ان انا قعدت مع امير 9 ساعات قولتله ولا قالي دقيقة منهم، هنشوف فيريرا عاوز مين و مين هيمشي من الفريق الموسم الجديد، اتفاقي مع فيوتشر ده تاعب شوبير ، كان بيلعب على وتر خلافي معهم وكلهم في فيوتشر قالوا شوبير مالوش لزمه، اتفقت مع احمد دياب علشان الاحتفاليه ،هنجيب هنيدي و مدحت صالح ومحمد منير و محمد رمضان والسقا واحمد عز اللي حصل معجزه من السما تاخد دوري في الظروف دي”.
واشار مرتضى:”انا صححت اخطائي اللي كانت في 2005 متوهش جمهورك يا استاذ محمود الخطيب وصحح اخطاءك،انا عمري ماغلطت في جمهورك ولا اعضاء الحمعيه العموميه اللي انا عضو فيها من قبلك، ولارموزك ولا رؤساءك السابقين كفايه بقى، مسلط ايمن شوقي وزكريا ناصف يغلطوا فيا يا اهل المغنى دماغنا وجعنا دقيقه هدوء”،
واردف”الكل بيشتم واحنا بنتشم والبذاءات شغاله 24 ساعه وبيقولوا اننا قليلي الادب، كابتن هناء حمزة كابتن النادي الاهلي من قبل الخطيب محدش بيترحم ايه المشتمه اللي شغاله24 ساعه، هندخل الستات وهنعيط معيطوتش ليه لما السيد تركي وقال عصابه وقال اخدوا الساعات من فضلك يا استاذ محمود الخطيب ابعد بنتك المحترمه عن الموضوع، لو رديت علي وقولت انك اخدت 263 مليون من تركي الشيخ، و11 ساعه الماظ هعتذرلك”.
وزاد:” ماحدث هذا الموسم معجزة ربانيه، ان شاء الله نتوج يوم الثلاثاء ببطولة الدوري امام الاتحاد، اي سفينة بدون ربان ماهر بتغرق، وبلاش الوقيعه بيني وبين فيريرا انا بوفر لفيريرا مايحتاجه وبيعمل شغله وانا بعمل شغلي”.
وواصل مرتضى:” كلمني اللواء عماد عبدالعزيزرئيس اللجنة التي كانت تدير للزمالك، ودعيته يحضر ماتش الاتحاد وهدعي حسين لبيب وكمال درويش والمندوة الحسيني ومحمد الاتربي والدكتور محمد عامر لحضور احتفالية الفوز بالدوري”.
واختتم:” سنرسل دعوة لساسي وحميد احداد ومحمد اوناجم وبن شرقي ومحمود عبدالعزيز، وكل لاعبو الزمالك الراحلين لحضور احتفاليه الدوري هذا العام”.
