أبرز تصريحات مرتضى منصور عن حسم صفقات جديدة لفريقي القدم والسلة ومباراة السوبر المصري السعودي وسفر الزمالك لغزة
اعلن المستشار مرتضى منصور رئيس نادي الزمالك عن التعاقد مع صفقتين لمحترفين لتدعيم فريق كرة القدم والسلة بالنادي، وشدد انه لا تعارض بين مواعيد مشاركة الفارس الابيض في السوبر المصري بقطر والبطولة الافريقية.
وقال مرتضى منصور في مداخله هاتفية ببرنامج زملكاوي عبر قناة الزمالك: “الاهم ان يكون لنا دور وطني نجمع ولانفرق ولذلك كرمت اوائل الثانويه العامة”.
واضاف:” الاخ الممثل نبيل الحلفاوي قال كلام فارغ ان الخطبه العصماء بتاعت الخطيب والاهلي نادي الوطنيه، الاحمر مش محتاج خطبه كلام فارغ يقول بها الاهلي نادي الوطنيه، لما اطلع اقول الحلزونه ياما الحلزونه الدور لوطني ليس كلام، امس كرمت بنت النوبه اليوم ولد قبطي”.
وتابع مرتضى:”بقول لجمهورالزمالك انتم زعلتوا ان الولد بتاع السله راح الاهلي، ولكن انا مش شغلتي اجيب صفقة كيد نسا، وسالت احمد مرعي قالي مش عاوزه (في اشارة الى والتر هودج)، احمد عادل واحمد مرتضى تعاقدوا مع صفقة حاجه محترمه وولد اعلى من اللي تعاقد مع الاهلي، لاعب امريكي اده 100 مرة لتدعيم فريق السلة”.
وشدد:”ولا انس اسامه ولا100 انس يفسد علاقتي بمحمد مصيلحي ولا بين الزمالك والاتحاد، سيسيه اللي هرب قولتله عاوز تروح الاتحاد هوافق ولكنه هرب ونط من البلكونة”.
واشار: “بقول لجماهير الزمالك هناك لاعب تم التوقيع معه رسمياً ،يلعب أساسي مع منتخب بلده وستسعد كل الجماهير بإذن الله “.
وواصل مرتضى: ” امير وصل تنزانيا في التجمع الاتحاد الافريقي، موضوع مشاركة الزمالك من دور64 بقول للجمهور متقلقوش على ماتش السوبر في قطر وسيخوضها باذن الله ولن يتعارض موعدها مشاركة الزمالك في افريقيا”.
واوضح: “كان في حوار مع سيف الوزيري المسئول عن الشركه المتحده اليوم وقولتله الغي فقرة تحليل الحكام، عبدالمنعم عماره قال باختصار عاوزنا نحترم الحكام الغي الفقرة التحليليه للحكام”
واكمل منصور:” مش معقول رئيس نادي يكلم ساعه ويقرا ورقه جايله من بره عاشور هيحكم ماتش بكره يعني مفيش اخطاء منه، كل اللي حصل ده علشان يجي ابراهيم نور الدين الملاكي لماتش الاهلي”.
واختتم: الفقرة الخاصة بتحليل اداء الحكام دي من فضلكم لازم تتلغي كلام الرجل سيف الوزيري المحترم قال في تعاقدات لنهاية الموسم وقالي في امور كتير هتتغير، في اقرب فرصة الزمالك سيذهب الى غزة لخوض مباراة هناك”.
“.
