أبرز تصريحات مرتضى منصور عن مواجهة الزمالك أمام إيليكت التشادي ومكافأة زيزو وهجومه على حازم إمام وإيمن يونس
اطلق المستشار مرتضى منصور رئيس نادي الزمالك، عدة تصريحات هامه بشأن مواحهة الفارس الابيض أمام ايليكت سبور التشادي بدوري ابطال افريقيا ومكافأته لاحمد سيد زيزو وهاجم ايمن يونس وحازم امام.
وقال مرتضى منصور في مداخله هاتفية ببرنامج زملكاوي عبر قناة الزمالك:” هنتصل بالجماعه بتوع تشاد واحنا علاقتنا بيهم كويسه وهنحاول نخلي الماتشين هنا في مصر”.
واضاف:”حتى الان لم نحصل على اي مستحقات من الشركه الراعيه ولم نحصل على مكافأت الكاس ، احنا عندنا عروض رعايه كتير جدا الفتره اللي جايه”
وتابع مرتضى:”زيزو صرفت له مكافأة خاصة من جيبي رغم انه مليونير، الرزق بالأهداف اللى عنده بسبب ضميره الجيد هو والده لما أمير جابه قولتله مين ده يابني، أنا كنت بتكلم مع اللعيبه عندي فرصه ممكن أجيب الهدف 80% وزميلي 90% اعطيها لزميلك وزيزو طبق فكري”
وتحدث “مرتضى منصور” عن سيف الجزيري قائلا :”سيف كان يشوفوني يمشي اول لما يقابلني انا زعلان منك، احنا بنحبك ولاعب كويس ومش ممكن هداف تونس يكون لاعب عادي”
وأكد :”الفريق كله متكامل معهم فيريرا وكان ممكن أسامه نبيه كان ممكن يقف على الخط في مباراة المقاصة بعد غياب فيريرا، ولكنه بيحترم المدير الفني الجهاز كله محترم”
وشدد: ” بيقولك بطوله جديده وشيلنا عصام عبد الفتاح ، وانا بقولها تاني هو مرتبط بالمغرب واعتذر عشان بيحب المغرب زي ما بن شرقي بيحب الامارات كده، يعني مش عشانك انت ولا حاجه”.
واوضح مرتضى:” اتكلمت مع الشركه المتحده وقولتلهم مينفعش اللي الكواليني بيعمله والعيال الي بتشتم من صفحات الاهلي وحياه امك الصبح يتعمل بلاغات ضدك وضد السيد محمود ابراهيم الخطيب ، اشتم كما تشاء بقا وانا ببقى فرحان ، حتى لو خدت براءه يبقى كفايه عليا انك صحيت بدري وروحت المحكمه وهكذا، وفي ايه يكواليني مالك الاهلي العظيم والماضي والمستقبل ، انت بتلاعب نادي من اسرائيل ولا ايه ؟”
وواصل:” بقول للاستاذ حاتم بطيشه وانت زملكاوي وعاوز تبقى محايد عشان تاكل عيش معنديش مشكله، لكن هل ينفع السفينه تبقى من غير ربان ، بيشكر كله من اول عامل غرفه الملابس واللعيبه و المدرب فيريرا ومفيش مجلس اداره ، يا اخي كفايه قرف بقا وكفايه الحقد الي فقلبك ، شكلك يا ايمن يونس وحش ، شكلك يا حاتم وحش ، شكلك يا حازم امام وحش ادوا لكل واحد حقه”.
واكمل:”تعاقدنا مع لاعب سله قوي جدا و الغالي يرخص علشان جمهور الزمالك، جماهيرنا فوق دماغنا لانهم وقت الازمة بيكونوا في ضهرنا وفي انديه تانيه بتهاجم فريقها اول لما يقع”.
واشار مرتضى:” انا قولت معالي وزير العدل في مساعد لوزير العدل من فضلك ابعده عن القضايا بيني وبين الخطيب لانه شغال في الاهلي من فضلك ابعد هذا المساعد انا لست فوق القانون ولا الخطيب فوق القانون ويطبق علي انا والخطيب احنا كسبنا الخطيب في ايه مين رئيس شركة الكرة بالاهلي”
واردف:”كسبنا الخطيب في قضايا كتير، ياسين منصور كان واخد 12 محل من ممدوح عباس بالف حنيه في السنه بسور نادي الزمالك كسبنا القضية واخذنا حكم بالطرد،وتم استرداد المحلات وبحوالي 80 مليون بالاضافة لغرامه كهربا 50 مليون جنيه، هو حظ الاهلي معايا كده حتى ياسبن منصور اخدنا حكم ضد وهيطلع من المحلات”.
واستكمل:” زيزو جه يحتفل زي امام افتكرني لانه كان واقف في جلستي مع امام، ربنا بيكرمني علشان انا اتظلمت والزمالك انظلم وقعدت سنه في بيتي لم ارتكب اي جريمه وعمرو اديب واحمد موسى شهروا بي ولم اشتكي بلدي في البرلمان الدولي ولا الامم المتحده”.
واختتم: اخدت 5 سنين ورا بعض احسن رئيس نادي واجي 2020 اتعزل 4 سنين ويتم حل المجلس وعدت بفضل ربنا وجمهور الزمالك والجمعية العموميه”.
