اكد امير مرتضى منصور المشرف العام على الكرة بالزمالك ان عدد الصفقات الجديدة لدعم الفريق لن يكون كبير، ووجه رساله ناريه للجمهور بسبب احاديثهم عن التعاقدات الجديدة.
وقال امير مرتضى في مداخله هاتفية بقناة الزمالك: “جمهور الزمالك تحديدا من الجماهير الي بتحب التفاصيل، وبيشوف مين لعيبه كويسه المتاحه ولو يساعد حد ويرشح لاعب وده بيميزهم”.
واضاف:” بشكر الجمهور على الدعم ومقدر تخوفهم وتعطشهم للصفقات لان محرومين من القيد فترتين، الصفقات كلها حاجات فيريرا محتاجها والرجل مختار بعنايه ومشاركين في الترشيح له”.
وشدد امير:” طول الموسم مكنش بحدد ارقام علشان نحافظ على الفريق وناخد البطولات، احنا قفلنا على نفسنا وفي نفس الوقت كنا بنقيم احتياجاتنا الفعليه ولوكان قيمنا من شهور كان العدد اختلف”.
واوضح:” محدش كان يصدق ان نيمار ويوسف اسامه بديل بنشرقي ومش معناه اننا مش هنجيب صفقات لا احنا النادي الوحيد اللي يحافظ على فرقته وكان عندنا نفس طويل لحصد البطولة”.
واضاف مرتضى: “بنكلم عن6 او8 صفقات وهنشوف اللي محتاجينه ممكن اجيب لاعب بيأدي في اكثر من مركز لحد اللحظه الدوري مخلصش ولانادي اعلن عن صفقات غير الزمالك، مش قادر افهم التخوف جاي من ايه انت من 30 اغسطس لشهر 10 نقدر نتعاقد”.
وواضل:”شغالين على اجنبي حاليا للتعاقد معه، لان الصفقات مش هتشارك في الادوار التمهيدية بافريقيا فامامنا وقت، الجمهور له حق يسال ويطمن هي صفقات فيريرا مختارها وادارة الكرة مختارها بعنايه وفي صفقات للتسويق”.
واردف مرتضى:” الصفقات 3 اجانب وفي 4 او5 مصريين هنتعاقد مع اللي محتاجينه وهيعمل اضافة ميعاد اعلانها في حاحات لها علاقة مع انديه الدوري لسه شغال ومينفعش نتواصل مع اللعيبه الا لما الموسم يخلص”.
واختتم:” مفيش وجه للاستعجال ومش هنتخانق على لاعب، لوفي لاعب مناسب وعليه طلب من الزمالك والاهلي وبيراميدز، رغبته لازم تكون الزمالك ومش هندخل مزايدات مع حدربنا اكرمنا علشان الرجاله اخلصت ولازم الصفقات الجديدة تكون زيهم”.
