كشف الناقد الرياضي خالد طلعت، حقيقة ادعاءات الاهلي بشإن وجود اخطاء تحكيميه ضده، واوضح بالارقام عدد ركلات الجزاء التي حصل عليها الاحمر مقارنه بالزمالك.
وقال خالد طلعت في تصريحات ببرنامج اللعيب عبر قناة ام بي سي مصر:’عندنا احصائيات عن التحكيم في الموسم الحالي ، الحكام المصريين اللي الاهلي اعترض عليهم فهنشوف الكلام ده ايه”
واضاف:!الأهلي هو الأكثر حصولا على ضربات الجزاء برصيد ١٢ ركله بالتساوي مع إنبي، الزمالك في المركز السادس برصيد ١٠ ضربات جزاء ،اللي بيقول زيزو هداف الدوري بضربات الجزاء بقوله لا الأهلي واخد أكتر ،أنا برد على الناس اللي بتقول الأهلي مظلوم والتحكيم جاي عليه” .
واوضح طلعت:”تاني إحصائيه أقل الفرق اللي اتحسب عليها ضربات جزاء هنلاقي الأهلي هو الأول ، اتحسب عليه في ٢٩ مباراه ضربه جزاء واحده وهنشيل كمان الماتشين الي حكمهم اجانب ، والزمالك اتحسب عليه ٧ بخلاف ضربات الجزاء ، واه طبعا ده كده لازم رئيس لجنه الحكام يمشي عشان العيب فيه والاهلي بيتظلم”.
وشدد:” الزمالك متصدر الدوري اتحسب عليه ٧ ضربات جزاء عادي ، أقل الفرق حصولا على بطاقات صفراء هو الأهلي برصيد ٤٤ بطاقه صفراء ، الزمالك في المركز السابع برصيد ٥٢ بطاقه صفراء ، الرقم ده كبير مقارنه بالأهلي وان الزمالك متصدر الدوري”.
وواصل طلعت:”اجمالي الطرد والانذارات الاهلي الاقل برصيد ٤٦ والزمالك في المركز السابع برصيد ٥٥ بطاقه، الزمالك حاليا اقوى هجوم وفاركو الاقوى دفاع”. .
واكمل:” ساوضح الفرق بين الاهلي والزمالك في وجود حكام مصريين وحكام اجانب ،كل فريق لعب ٣٥ مباراه وحطيت الموسم بالكامل ، الاهلي اتحسبله ١٤ ضربه جزاء و اتحسب عليه ٤ مع الحكام المصريين، الزمالك انحسبله ١٢ واتحسب عليه ١٢ ، الاهلي اتطرد منه ٢ لعيبه فقط في ٣٥ مباراه واتطرد للمنافسين ٤”.
واردف:”الزمالك اتطردله ٣ واتطرد للمنافسين ٣، بينما الاهلي اتحسب عليه ٥٤ انذار والمنافسين ٨١ ، الزمالك انحسب عليه ٧٠ انذار”.
واشار:!الأهلي لعب مع الحكام الاجانب ٥ ماتشات ، فوز وحيد و٣ هزائم و تعادل وأخد ٤ نقاط فقط ، لم يحسب ليه اي ضربات جزاء واتحسب عليه ١ ، بينما الزمالك ٣ مباريات بحكام اجانب كسب ٢ واتعادل واحد ولم يهزم انحسبله ضربه جزاء واحده ولم يحسب عليه ضربات جزاء
اختتم:”نتائج الزمالك بوجود حكام اجانب احسن من الحكام المصريين ، وجود حكام مصريين للاهلي بيخيليه ياخد ٣ اضعاف النقاط اللي بياخدها مع الاجانب”.
