وجه المستشار مرتضى منصور رئيس نادي الزمالك رسائل ناريه لمحمود الخطيب رئيس الاهلي، وللاعلامي الأحمر أحمد شوبير بعدما اعلن الغاء حكم حبسه لمدة شهر في قضية سب وقذف الخطيب.
وقال مرتضى في تصريحات تليفزيونيه بقناة الزمالك:” الصباحي معروف انه أهلاوي مش بيحب الزمالك، ومحمد معروف اهلاوي، مش عارف نجبلهم حكام منين”
واضاف:” والله العظيم ياجمهور الاهلي المحترم اللى تاريخه محترم النادي الاهلي لم يرى في تاريخه زى الايام السودة دى بلاغات وبيانات على الناس كلها ومش مركزين في شغلهم”.
وشدد مرتضى:” الأهلي سنتين من غير دوري او كاس في اي لعبة، اللجان بشتم في الحكام، هل ده اهلي صالح سليم والرموز دى
واوضح :”الخطيب رافض يواجه عيوبه وانا حاليا اتعلمت من اخطائي لكن هو كل شوية اي ومرتضى خبطني في عيني ومش عارف ايه، قولت نبدا صفحة جديدة قالوا لا، انت خريج معهد إعدادية وهل هتحاسبنا كلنا او ترازي فيها وهل مش عايز حد يتكلم”.
وواصل:”روح شوف اعضاء الأهلي في حالة ثوران بسبب غلاء الأسعار وعايزين البلد تهدى ومش عايزين البلد تولع لان الرئيس مش فاضي لينا وعنده مشاكل كتير”.
ووجه حديثه لشوبير قائلا:”بقول لشوبير هبه وحنان ولمياء فوق الجميع هما واي مواطن مصري”.
واختتم:”بقول للخطيب خليك في حالك واحنا في حالنا واهتم بالفريق عندك وبالجمعية العمومية وانت مشترك في تحريض الصفحات ضدى”.
