هاجم المستشار مرتضى منصور رئيس نادي الزمالك كابتن حسين لبيب رئيس اللجنة التي كانت تدير القلعة البيضاء قبل عودة مجلس الإدارة.
وقال مرتضى منصور في مداخله هاتفيه ببرنامج زملكاوي عبر قناة الزمالك:” الاخ حسين لبيب طلع في قناة العضو المشطوب عضويته في اشارة الى هاني العتال”
واضاف:” بمناسبه ايه ياحسين يالبيب بتطلع بامارة محمد صبحي بيقولنا مصيري في ايدي، ولاساسي اللي طفشته، ولابن شرقي اللي سيبته لحد عقده ماقرب يخلص، ولاجنش في عقده 2 مليون شرط، اتكسف ياحسين، البطولات مرتضى منصور اللعبيه جابهم وتعاقد معهم عيب تطلع تكلم قبل ماتشين مهمين”.
وشدد مرتضى:” مش عاوز اقول المصايب اللي عملتها انت واللجنه وبحترمك، وانت قولت الفضل لمرتضى في البطولات دلوقتي بتكلم، ناسي جواب الضرايب اللي جالك 980 مليون والاوقاف والتامينات اتكسف طالع مع شبانه”.
وواصل: “بتقول جددت لامام عاشور بكام؟ ايه رايك انك موثقتش عقد امام، انت مش عاوز تحترم نفسك وسنك، البطولات بلاعيبه مرتضى ومديرين فنيين انا اللي جبتهم جاي قبل ماتشين مهمين تتنطط احترم نفسك وبطل تتنطط عملت ايه للزمالك انت ولجنتك”.
واوضح مرتضى:” الـ21 يطولة بلعيبتك ومديرين فنيين بتوعك؟ دول ولادي انا بتفكرني بأب ربى عيال وكبرهم ويوم تخرجهم غاب عن الحفلة،رجعتلك ياحسين ولم نفسك عيل زي ده ضحك عليك وجابك في القناة”.
واختتم مرتضى منصور لخالد الغندور لما تيجي تدلع مصطفى تقوله ايه؟ خالد يا درش، مرتضى: حسن ؟، خالد:يا ابو علي، مرتضى محمود ؟خالد: يا ابو حنفي، مرتضى وانا كده خلصت المداخله”.
