فتح المستشار مرتضى منصور رئيس نادي الزمالك النار على الفنان نبيل الحلفاوي وإبراهيم سعيد لاعب الزمالك والأهلي السابق، بسبب تصريحات الأخير عن القلعة البيضاء.
وقال “مرتضى” :” بقول لـ نبيل الحلفاوي انت راجل كبير عيب انك تعمل حاجة زى كده وتكتب أن الأهلي وافق على إعارة درع الدوري للزمالك”.
ووجه “مرتضى” حديثة للحلفاوي قائلا :” لما مرة لسعتك واحدة عيطت ولفيت على مصر كلها، وكلنا عارفين حالتك النفسية وانا كلمت الدكتور أشرف زكي علشان الواقعة دى”.
وأضاف “مرتضى” في تصريحات لبرنامج “زملكاوي” على قناة “الزمالك” :”بقولة احترم سنك وابنك، واحنا عارفين حالتك النفسية عاملة إزاى، انت دلوقتي بقى عمرك 105 سنه ياريت تحترم نفسك وتبعد عنا”.
كما هاجم “مرتضى” إبراهيم سعيد لاعب الزمالك والأهلي السابق قائلا :”إبراهيم سعيد مع أحد الاعلاميين يمدح الخطيب ويطالبني بالهدوء، وبقوله متخلنيش احكى حاجات تقعدك في بيتك، اهمد يا نبي واهدى احنا مش ناقصينك”
وتابع :” انت خدت حقنة بقيت أهلاوي مرة واحدة في الأول كنت زملكاوي، وبقوله اهمد بقى احنا عندنا حاجات تانية مش فاضيين ليك”.
وأختتم “مرتضى” رسالته لـ “إبراهيم سعيد قائلا :”انت مشكلتك الوحيدة انك كنت عايز تشتغل في الجهاز الفني للزمالك في الفريق الأول وانا قولتلك ابدا بالناشئين”.
