انتقد الكابتن حسام حسن المدير الفني للنادي المصري، تعامل قناة “أون تايم سبورت” مع المؤتمر الصحفي الخاص به بعد القطع على حديثه بعد مباراة المصري والأهلي.
وفي واقعة غريبة قطعت قناة أون تايم سبورت البث الخاص بالمؤتمر الصحفي لحسام حسن بعد مباراة الأهلي والمصري، والتي فاز بها الفريق الأحمر بثنائية نظيفة
وقال “حسام” :”أنا مش طالع علشان ألمع نفسي، حكم الراية في مباراة الأهلي هددنى وقبلها خلى الحكم اداني إنذار من غير وجه حق، وهل ينفع السنة الجاية أكون برة مصر”
وأضاف “حسام” في تصريحات لبرنامج “اللعيب” على قناة “إم بي سي ” مصر :”اللى بيحصل دلوقتي أننا بنقطع نفسنا على الفريق علشان يقعد في الدوري”.
وأوضح ” حسام” :”قناة أون تايم سبورت قطعت الكلام اللى كنت بقوله على اللى عمله معايا حكم الراية ، وأنا أقدر آخد حقي بإيدي لكن احترمت المنظومة”
وأكمل “حسام” :” احنا بندافع عن حقوقنا والجهاز الفني كله سمع من غير أي سبب، وهل ده يجوز”.
حسام حسن يستغيث بالسيسي ويصرخ : لا رئيس الوزراء ولا وزير الرياضة هيجيبوا حقي !!
وواصل “حسام” في حالة إنفعال :” أنا بقول للرئيس عبد الفتاح السيسي أنا واحد ادى بلدة واجتهد عشان بحب مصر، وفيه واحد في المنظومة قلل منى ومفيش حد هيحاسبة لانى مقتنع إن مفيش وزير أو رئيس اتحاد كرة هيدينى حقي”
وأكمل “اتحاد الكرة محترموش رغبة الناس في الشارع، واحنا حقنا ان فيه واحد غلط فينا، وانا مش واخد حقي وانا بلعب أو في التدريب، ومفيش حد اعتمد عليه في اتحاد الكرة، أو وزير الرياضة وفيه رئيس الجمهورية وبعده رئيس الوزراء، ويكش الماتش كله يولع”
