اكد الإعلامي خالد الغندور، انه موافق على رأي سيد عبدالحفيظ مدير الكرة بالنادي الاهلي بشأن ضرورة لعب كأس مصر بالقائمة الحالية.
وقال خالد الغندور في تصريحات ببرنامج زملكاوي: ” عاوز اقول حاجه، الناس هتستغربني على فكرة معقول ياكابتن خالد هتتفق مع مدير الكرة، اه معقول اللي يقول الصح كلنا نمشي وراه”.
واضاف:” مدير الكره في لقاء سابق قال اوعوا تفتحوا باب القيد الجديد علشان كاس مصر يستكمل القوائم الحالية الرجل عاوز نظام وانا معاهوعاوز العب بقايمتي الحالية”.
وتابع الغندور: “انا رجل غلبان، وعندي لعيبه سابتني طارق حامد وابوجبل وبن شرقي صفقة القرن، كلهم مشيوا سابوني هتحمل علشان النظام واكمل كاس مصر من غير باب القيد مايتفتح انا مش عاوز انقذ الزمالك”
وواصل:”اي نعم حصلت السنين اللي فاتت وكان الكأس بيتلعب بعد فتح باب القيد ومدير الكرة مكنش عنده مانع، احنا كزملكاويه هنجي على نفسنا، اوعى يتفتح القيد الجديد ولازم يكون في نظام”.
واردف الغندور: اه متفق مع مدير الكرة، الرجل عاوز نظام ومبدا تكافو الفرص ونظام يمشي علئ الكبير وصغير”.
واوضح: “قرعه كأس مصر بسم الله ماشاء الله، جميله كل فطاحل الكره المصربه مع الزمالك، بيراميدز والاسماعيلي وانبي والبنك الاهلي والمصري، والناحيه التانيه الجيش خرج وعندهم فرقتين بيلعبوا درجه تانيه”.
واختتم:”معندناش مشكله القرعه كده، وموافقين ونلعبه بنفس الاسكواد، وسالت الحاج عامر حسين ممكن الكأس يتلعب بالقايمة الجديده؟، قالي لا القيد هيفتح يوم 15 اغسطس ونلعب بالقايمة القديمه”.
