هاجم الإعلامي خالد الغندور الثنائي رضا عبدالعال وإبراهيم سعيد لاعبا الاهلي السابقان، بسبب إنتقادهم اللاذع وهجومهم المستمر على جوسفالدو فيريرا المدير الفني للزمالك، وشيكابالا قائد الفريق.
وقال خالد الغندور في تصريحات ببرنامج زملكاوي عبر قناة الزمالك:” ابراهيم سعيد كان لاعب جيد واعلن انه زملكاوي وعاشق للزمالك، وكان بيلعب بكل رجوله مع الاهلي رغم زملكاويته، فجأة اصبح ضد الزمالك وبيقول متربي في الاهلي وعلى مبادئهم واخلاقهم”.
واضاف:” لما تتكلم على شيكابالا بصورة سيئه ياكابتن ابراهيم باستمرار وتقول لازم يبطل، طيب ما عبدالله السعيد نفس السن، وشيكابالا اللي بتقول يعتزل الا اذا كان وجوده كتكريم له، احرز هدف في الاهلي وبيراميدز،وبيعمل الفارق لونزل15 دقيقة هل شيكابالا وجوده في الزمالك مجرد تكريم؟، ده بيقلب الماتش بالكامل”.
وشدد:” انت لاعب كره ياكابتن ابراهيم واعتقد زاملت شيكابالا هل طالبت وليد سليمان بالاعتزال وعبدالله السعيد وهم نفس السن، انت بتقلل من قيمة شيكابالا ومش عاوز جمهور الزمالك يزعل ويرد عليك”.
وواصل الغندور:”لما الجمهور يزعل منك وينزلك برامج رقص كنت مشارك فيها، وتجي تنزل برامج لي من2004 وتقول الكابتن التاريخي للزمالك اهو بتدخلني في جمله مفيده لية انا اكبر منك سنا؟ بتعمل عداوات ليه؟، خلي الجمهورين يحبوك، انت بتلوم الجمهور ليه؟، هل كلامك بالمنطق ده يخلي في سبوت عليك انت اكبر من كده”.
ووجه حديثه لرضا عبدالعال: ” كابتن رضا عبدالعال انا بحبه وزملكاوي وله اراء قويه جدا، وانا اول من اظهرته للاعلام انت تراهنت على خسارة الزمالك من بيراميدز”.
واكمل:”بلاش تتبشث برأيك، مينفعش تقول فيريرا مدرب عادي وبيكسب بالحظ وان تاكيس اكبر واحسن منه، لا يا كابتن رضا، ومتقولش لولا ان هدف جه بدري مكنش الزمالك كسب انت عارف ان الكرة تكتيك وخطه ومفيهاش لو”.
واردف:”ازاي تقول على فيريرا كده!، انت ياكابتن رضا تتعلم منه يعني ايه تدريب، ولازم المدربين المصريين يروحوا للبروفيسورفيريرا يتعلموا منه، ايه الثقه اللي عنده دي وازاي مشي من عنده طارق وابوجبل وبن شرقي وعنده اصابات وكل ده وبيكسب الماتشات”.
واختتم: لا ياكابتن رضا الاراء لها حدود، تاكيس جونياس بعض من لاعبي بيراميدز اصدقائي وقالوا لي مدرب عادي جدا، ومع دجله هبط بهم درجه تانيه، وكنت بتقول لومعه لاعبين شوفوا هيعمل ايه ماهو عنده اسكواد دلوقتي عمل ايه؟ لاتقلل من فيريرا ابدا”.
