حرص رضا عبدالعال لاعب الزمالك السابق على توجيه رسالة هامه لإدارة الفارس الأبيض بشأن الموسم الجديد ودعم الفريق بصفقات قوية من أجل الفوز ببطولة إفريقيا.
وقال رضا عبد العال في تصريحات تلفزيونية ببرنامج زملكاوي عبر قناة الزمالك: “في لعيبه لازم تمشي، علشان لازم تاخد فريقيا، لاننا بنتعاير بعدم الفوز بها، قولت الدوري اصعب من افريقيا اخر سنتين، بص للفرق وقولت الاهلي هياخد البطولة بعد خروج صن داونز ولكن فشل وفرق افريقيا اضعف من الدوري”.
واردف:”شوف الاهلي عمل ايه في الدوري الموسم ده واللي فات، لانه طويل واصعب من افريقيا”.
واستطرد عبد العال:” مبروك، بس لازم يكون في صفقات كويسه مع وجود فيريرا وشيكابالا، انت عاوز افريقيا والسوبر الافريقي، ومش هيتحقق إلا بتيم كويس”.
وشدد:” نسب مساهمة كل عنصر لحسم الدوري تتمثل في 40٪لمرتضى و30٪للجمهور و20٪للاعبين و10٪للجهاز الفني مرتضى وفر المستحقات ورصد مكافآت كبيره للاعبيه، الجمهور كان في ضهر الادارة والكيان وده فوق اللعيبة”.
واوضح عبد العال:” في لعيبه اقسم بالله قبل فتره ماتش الاهلي والتعادل كان لازم تمشي، ولازم تمشي علشان تجيب لاعب اعلى علشان افريقيا”.
واختتم: “اللعيبة دي لما وجدوا زيزو وشيكابالا وبن شرقي ومحمد عبدالغني، بتموت نفسها اطبع بهم رغم قلة امكانياتهم وكانوا بيلعبوا بروح وقتال، انت داخل على مرحله صعبة ومحدش هيرحمك تعاقد مع 4او 5 لعيبه سوبر”.
