فجر المستشار مرتضى منصور رئيس نادي الزمالك مفاجأة بشأن ياسين منصور رئيس شركة الكرة بالاهلي.
وقال مرتضى منصور في تصريحات ببرنامج زملكاوي عبر قناة الزمالك:”تعاقدنا مع لاعب سله قوي جدا و الغالي يرخص علشان جمهور الزمالك، جماهيرنا فوق دماغنا لانهم وقت الازمة بيكونوا في ضهرنا وفي انديه تانيه بتهاجم فريقها اول لما يقع”.
واضاف:” انا قولت معالي وزير العدل في مساعد لوزير العدل من فضلك ابعده عن القضايا بيني وبين الخطيب لانه شغال في الاهلي من فضلك ابعد هذا المساعد انا لست فوق القانون ولا الخطيب فوق القانون ويطبق علي انا والخطيب احنا كسبنا الخطيب في ايه مين رئيس شركة الكرة بالاهلي”.
وتابع مرتضى:”كسبنا الخطيب في قضايا كتير، ياسين منصور كان واخد 12 محل من ممدوح عباس بالف حنيه في السنه بسور نادي الزمالك كسبنا القضية واخذنا حكم بالطرد،وتم استرداد المحلات وبحوالي 80 مليون بالاضافة لغرامه كهربا 50 مليون جنيه، هو حظ الاهلي معايا كده حتى ياسبن منصور اخدنا حكم ضد وهيطلع من المحلات”.
وشدد: زيزو جه يحتفل زي امام افتكرني لانه كان واقف في جلستي مع امام، ربنا بيكرمني علشان انا اتظلمت والزمالك انظلم وقهدت سنه في بيتي لم ارتكب اي جريمه وعمرو اديب واحمد موسى شهروا بي ولم اشتكي بلدي في البرلمان الدولي ولا الامم المتحده”.
واختتم: اخدت 5 سنين ورا بعض احسن رئيس نادي واجي 2020 اتعزل 4 سنين ويتم حل المجلس وعدت بفضل ربنا وجمهور الزمالك والجمعية العموميه”.
