حرص المستشار مرتضى منصور رئيس الزمالك على الاجتماع بلاعبو الفريق الاول لكرة القدم بالنادي، من اجل دعمهم وتحفيزهم قبل المواجهة الحاسمه أمام الاتحاد السكندري.
وقال مرتضى منصور في فيديو تم بثه عبر قناة الزمالك:” بشكر البروفيسور المحترم فيريرا، استلم الفريق وكان فرق بينا وبين الاهلي 8 نقاط، وبفضل ربنا وجهده وجهازه المعاون وصلنا الاول والقطر بيهدي وواصل على سيدي جابر”.
واضاف:” لوتفتكروا في المكان ده قولتلكم متبصش للاهلي وبيراميدز وبص لنفسكم، احنا عدينا الاهلي الان وهو ده الفريق اللي معه مدرب محترم اللي بيدير الدفه”.
وتابع مرتضى:”عندكم ماتش مهم امام الاتحاد، الدوري مخلصش عندنا ماتش هام يوم الثلاثاء، اسعدوا الجماهير، لا نعرف منافس قوي أو منافس ضعيف، وعلينا أن نعلم أننا نواجه فريق كبير ولديهم مدرب محترم”.
وواصل:”ربنا يوفقكم، ومتفكرش في المكافاة هتكون احلام، اسعد جماهيرك ومتع نفسك، احلم يا امام مش عارف كل لما اعطيك فلوس بتوديها فين، انا بشكركم”.
واوضح مرتضى:” ياجماهير الزمالك يامحترمه بنحاول نزود العدد في مباراة الاتحاد ولكن مش هيفرق، لوفي 10بس مع الفريق المحترم و توفيق ربنا ربنا هيكرمنا”.
وشدد:” انتم غيرتوا الخريطة الزملكاويه مع الجهاز الفني، الناس بتستمع وانتم بتكسبوا مقدرين جهدكم الحمدلله واقفين على رجلكم”.
ومن جانبه قال شيكابالا لمرتضى منصور: زي ما وعدناك وكنا على قدر المسئولية وبإذن الله سنسعد كل الزملكاوية بإتمام تحقيق لقب الدوري”.
