هاجم محمد عماره لاعب الاهلي السابق ريكاردو سواريش المدير الفني للفريق الاحمر ولجنة التخطيط بالنادي والادارة.
وقال محمد عمارة في تصريحات ببرنامج اللعيب عبر قناة ام بي سي مصر: “سواريش جه ليه في التوقيت ده؟،ولوقلت يمشي بالعند فيه هيقولوا لا يستمر، انا اهلاوي بقول الحق والاهلاويه الحقانيين قليلين”.
واضاف:” سواريش لابصمة ولا لون ولاطعم ولاشكل، لما يجي مدرب جديد بيكون في دوافع عند اللعيبه، مالوش بصمه فين بصمته اختيارته للعيبه سيئة”.
وتابع عماره: منقدرش نقوله شكرا دلوقتي، وكان سامي قمصان لازم يكمل، موسيماني مشي علشان ناجح، لجنة التخطيط مع احترامي لهم مفيش لهم دور دورهم بينصب عند الكابتن خطيب”.
واوضح:” العين اللي بتختار اللعيبه بالاهلي غير موفقه، بتتعاقد مع لاعبين لايصلحوا للتواجد في الاهلي”.
وشدد عمارة:” لما يتقال الاهلي هيمشي8 او10 لعيبه متعودناش ان الكم ده يرحل عن الفريق، ودايما نهايات اللعيبه في الاهلي بتكون وحشه وانا منهم ووليد صلاح وحسام عاشور، الخروج من الاهلي خروح غير آمن، واديتم دوركم وكفايه لحد كده وشكرا”.
واكمل: الاهلي على مدار الاجيال هم 5 او6 يمسكوا مناصب، وهيقول علشان مبيشتغلش لا مش علشان، كده عاوزين عداله اللي بيحصل في الاهلي ده بسبب ان مفيش عداله”.
واردف عمارة :”في لعيبه لاتعرف كيف تدير نفسها وبتشتغل الاهلي، في اجيال ولعيبه كبار حاسين بالظلم وميقدروش يتكلموا”.
اختتم:”النادي اخد قرار برحيل كابتن ابراهيم عبدالصمد هم الـ10 الاف جنيه مرتبه دول اللي هيفقروا الاهلي، لما لاعب كبير وله تاريخ ويروح يشتكي وانا معنديش دخل وبشتغل بكل اخلاص ليه بتمشوني؟ ده مش ظلم؟”.
