اكد المستشار مرتضى منصور رئيس الزمالك ان روي ڤيتوريا المدير الفني لمنتخب مصر كان مبهور اثناء زيارته لمقر النادي بسبب الانشاءات الموجوده والمباني الراقية.
وقال مرتضى منصور في مداخله هاتفيه ببرنامج زملكاوي عبر قناة الزمالك:”الواد اللي هربان في قطر وبيقولك ان الجمهور سافر الجونه على حساب الدوله وهو راجل شاذ هربان ملناش دعوه بيه ، بس المشكله مش فيه المشكله فاللي وراه ”
واضاف:”الراجل فيتوريا انبهر بالنادي زيه زي كل الوفود الاجنبيه التي زارت الزمالك، ده الزمالك اللي حارقك”.
وشدد:”انت من ساعه ما جيت مخدتش مني بطوله الا بطوله افريقيا اللي اتبعتلي جواب رسمي متروحش الماتش ، والڤار اللي بوظوه، و اللعيبه اللي تقاريرها اتضربت عشان متلعبش وكل ده عشان مرتضى ميشلش كاس افريقيا ، لان لو مرتضى كسب افريقيا مش هيعرفوا يشيلوه”.
وتابع مرتضى:”ماتش ٣ صفر اللي الشناوي كان حارس فيه ، اقسم بالله تركي ال الشيخ جابه لبيبو الاسطوره وبيبو قاله انا هقعد فالاوضه عشان لما احلف على المصحف اني مقعدتش معاه ابقى مكدبتش ، وكلنا شوفنا الشناوي ساعتها لبسنا تلاته ، وربنا ردهاله في ماتش بيراميدز الاخير “.
واختتم:”جماهير الزمالك المحترمه عامله بيان بتأكد انها جماهير محترمه بتقف مع ناديها ومجلس إدارتها ودي جماهير الزمالك العظيمه”.
