وجه المستشار مرتضى منصور رئيس نادي الزمالك رسالة نارية إلى محمود الخطيب رئيس النادي الأهلي، وذلك بعد إصدار مجلس الأحمر بيان هدد فيه اتحاد الكرة بعد أزمة مباراة فاركو
وقال “مرتضى” :”نصيحة للخطيب بص في ورقتك وركز مع فريقك وانت الخسران، و قولتلك قبل كده بلاش تعادي الدولة خليك مع مرتضى وباقي الأندية”.
وأشار :”نصيحه من أخ اكبر منك ركز في ورقتك ومتحاولش تشحن الجماهير لانك بتستعدي الجماهير على مؤسسة في الدولة دي جريمه بلاش تمشي ورا العيال الهربانين، ومتضحكش على جمهورك والزمالك اكتر نادي اتفرم من التحكيم”.
ووجه “مرتضى” حديثة للخطيب عبر برنامج “زملكاوي” على قناة “الزمالك” :” طلع بيان انك تحترم الحكام والشركة المتحدة، وبقوله الأهلي مش فوق الجميع لكن مصر فوق الجميع اوعى تفتكر انك أعلى من دولتك”.
وواصل “مرتضى” رسالته للخطيب قائلا :”عندك واحد دخل اوضه الفار، وبقوله إذا بليتم فاستتروا، واستتر انت ومجلسك وبلاش تلعب بالجماهير انا بقوقك بلاش تلعب بالجماهير احنا مش هنعمل ميليشيات”.
