فتح المستشار مرتضى منصور رئيس نادي الزمالك النار على محمود الخطيب رئيس النادي الأهلي، وياسين منصور رئيس شركة القدم في النادي الأحمر.
وقال “مرتضى” :” بقول لـ ياسين يا منصور ابعد عن الزمالك أنا عندي ليك حاجات كتير أنا مش راضي اتكلم عشان أخوك الكبير كان صاحبي، ده انت ملياردير يا أخي”.
وأضاف “مرتضى” في تصريحات لبرنامج “زملكاوي” على قناة “الزمالك” :”بقولك يا خطيب أنا وراك حتى لو روحت سجن المزرعه وراك”.
كما فجر المستشار مرتضى منصور رئيس نادي الزمالك مفاجأة من العيار الثقيل حول اتفاق أمير مرتضى منصور مع أحمد دياب رئيس رابطة الأندية، ورئيس شركة فيوتشر لكرة القدم.
وقال “مرتضى” : “أمير مرتضى وقع مع فيوتشر بروتوكول تعاون، اللعيبه اللي الزمالك مش عايزها هتروح لفيوتشر واللاعبين إلي الزمالك عاوزها من فيوتشر هتبقى الأولوية للزمالك”.
وأضاف “مرتضى” خلال تصريحات لبرنامج “زملكاوي” على قناة “زملكاوي” :” الأولية لفيوتشر في الصفقات ستكون للزمالك، وسيبك بقا من شوبير ملوش لازمه ، والله جابوه في أون عشان ملقوش حد ممثل للأهلي”.
