اكد المستشار مرتضى منصور رئيس الزمالك، ان سيد عبدالحفيظ مدير الكرة بالنادي الأهلي احد اسباب فشل الاحمر وشدد انه ورط محمود الخطيب في قضية الهارب محمود كهربا.
وقال مرتضى في مداخلة هاتفية ببرنامج زملكاوي عبر قنلة الزمالك:”شفت الغرور بتاع سيد عبد الحفيظ، عبد الحفيظ احد اسباب فشل الاهلي حتى الآن بسبب تكرار إيقافه”.
وتابع:”فاكر ياخطيب لما قولتلك كهربا ده هديتي ليك، بقول لكهربا نسيت لما كنت بروح معاك المحكمة اترافع لاخوك علشان يخرج وماخدتش فلوس”.
وشدد مرتضى:”لو الأهلي بيحبك يدفعولك ولو مدفعتش هتقعد في البيت، عندهم مشكلة في كهربا لو دفع فيها قضية اموال عامة لانهم اعترفوا انهم ملهمش علاقة بقضية كهربا، لو مدفعوش كهربا هيطلع يفضحهم”.
واوضح:”لما وديت كهربا السعودية سنتين مسك فلوس وركب احدث عربية، وكان في المنتخب ومتالق، وكسبنا من وراه اكتر من ١٠٠ مليون وكنت جايبة من إنبي ب ٧ مليون اصلا”.
واختتم:”مفيش حد مشي من عندنا وراح الاهلي وربنا كرمة وده لان الزمالك “رئيسية طيب” والناس اللى بتقولى عليا سباب اقولك محامي الخطيب قال عليا ايه”
