أعلن المستشار مرتضى منصور رئيس نادي الزمالك عن مفاجآت جديدة لأعضاء الجمعية العمومية داخل نادي الزمالك، مشيرًا إلي أنه قرر التراجع عن كافة قرارات إيقاف العضويات أو إيقافها.
وقال “مرتضى” :” فيه إحتفالية كبيرة في نادي الزمالك في الفترة المقبلة بخصوص الفوز بالدوري، وهيكون فيها كل الأعضاء ويتم توجيه الدعوة لـجميع اللاعبين منهم أشرف بن شرقي”.
وأضاف “مرتضى” في تصريحات لبرنامج “زملكاوي” على قناة “الزمالك “:” عايزين نبدأ صفحة جديدة مع كل الزملكاوية، وانا خدت قرار إن جميع قرارات شطب أو إيقاف العضوية يتم إلغاؤها”.
وتابع :”أي حد تم شطب عضويته، أو موقفة يقدم طلب وفي ثانية ترجع عضويته تاني، لكن ليا طلب عندهم انتقد مرتضى منصور كما تشاء لكن ملكش دعوة بالنادي”.
وأختتم “مرتضى” :” أي حد ليه قرار شطب أو إيقاف عضوية بقوله إني ببدا صفحة جديدة واتفضل تقدر تدخل النادي، والحمدلله عندنا نادي عالمي، لكن ملكش دعوة بالكيان وده قرار محترم ميطلعش غير من رئيس نادي واثق في نفسه”.
