حرص المستشار مرتضى منصور رئيس نادي الزمالك الى توجيه رساله ناريه الى جمهور الفارس الابيض بشأن الصفقات الجديدة.
وقال مرتضى في تصريحات تليفزيونية ببرنامج زملكاوي عبر قناة الزمالك: “للي بيقول فين الصفقات القويه، انت ملكش دعوة انت مشجع محترم متدخلش اوضة العمليات انت لك العمليه تنجح مش فاهم في ايه”.
واضاف:” ابراهيما نداي مش عجبك؟ الوردي مش عجبك؟ ابن ايمن منصور مش عجبك؟ انا مش زي اللي بيهدر المال العام وسايبنه، ولا زي حسين الشحات اللي جاي ب160 مليون جنيه”.
وتابع مرتضى:” اذا كنت انا ممنوع من اخيتارالصفقات انت هتدخل انت، فيريرا هو اللي بيختاراللاعبين الجدد، كان الوردي رايح فرنسا وخناقة بين الوداد والرجاء وجه الزمالك فري”.
واردف:” الصفقات اللي بتحلموا بها واكتر، بس متفرضش رأيك، لان انا مقدرش افرض رأيي على فيريرا، ده في اعضاء مجلس الادارة. ميعرفوش الصفقات”.
وشدد مرتضى:”فيريرا عاوز في كل مركز واحد رئيس واحتياطي لازم يكون في فرز اول وتاني، كل احلامكم واكتر في كل مركز اول وتاني لان الاول لوحصله حاجه يكون ف بديل”.
وواصل: “سيبوا الرجل بيختار ومعه امير، بلاش كلام عن الصفقات، دي مش مشكلتك اللي هيتحمل المسئوليه، فيريرا كان معروض عليه 2لاعبين واختار الوردي قال علشان بيجمع طارق وساسي”.
واستطرد مرتضى:”اخدنا زكريا واحمد ايمن منصور فري انت بتفتي، احنا عندنا ماتش مهم في السوبر انت مالك بجد، لك العمليه بنجاح ويجيبلك بطولات نهمد بقى”.
واختتم:” المدير الفني محترم وبرفيسور ويعمل من الفسيخ شربات، برجوا الجمهور ملكش دعوة بالصفقات لك تفرح بالبطولات اخدت بطولتين في شهرين ولا لا؟ اخدت، خلينا نفرح لان عندنا السوبر وافريقيا”.
