ميدو يفتح النار على أحد الإعلاميين المنتمين للأهلي بسبب نغمة تفويت المباريات للزمالك-فيديو

فتح أحمد حسام ميدو النار على أحد مقدمي البرامج، الذين شككوا في نزاهة لاعبي بيراميدز خلال مواجهة الزمالك في الدوري الممتاز هذا الموسم.

وكان إسلام الشاطر مقدم البرامج بقناة الاهلي قد هاجم فريق بيراميدز عقب خسارته أمام الزمالك بثلاثيه نظيفه اول امس الاثنين، وقال”هل معقول ده بيراميدز اللي كان بيلعب امام الاهلي؟، هل معقول ده رمضان صبحي اللي كان بيلعب بغل في مباراة الاهلي؟”.

قال ميدو في تصريحاته عبر برنامج الريمونتادا على قناة المحور: “يطلع انهاردة كابتن ونجم كبير، ومقدم في برنامج يشكك في نزاهة لاعبي بيراميدز، خلال مباراة الزمالك”.

أضاف: “ميصحش الكلام ده، الأهلاوية كلهم شايفين مستوى الأهلي، ومستوى الزمالك وبيراميدز وكلنا لينا صحاب أهلاوية عارفين إن دلوقتي الزمالك وبيراميدز أقوى من الأهلي”.

وواصل: “إذا كان الأهلي نفسه معرفش يلعب قدام الزمالك، لاعيبة الأهلي مكانتش عارفة تجري قدام الزمالك، يبقى عيب نتكلم في نزاهة”.

وختم حديثه قائلا: “لو عايز تحل مشاكل الأهلي لازم تعترف بمشاكله، متخدعش الجماهير، عيب تشكك في ذمم الناس، وتستهزأ بعقول الأهلاوية اللي بيفهموا كورة”.