اكد احمد حسام ميدو ان مباراتي الزمالك امام الاسماعيلي وفاركو على التوالي في غاية الصعوبه والاهميه، ووجه لجوسفالدو فيريرا المدير الفني للفارس الابيض نصيحه هامه.
وقال ميدو في تصريحات ببرنامج الريمونتادا عبر قناة المحور:” مباراة بكره صعبه على الزمالك، لان في راي ان لازم فيريرا يريح الاساسين امام الاسماعيلي، لازم يتم الدفع بعبدالشافي ومحمود علاء وحازم امام وشيكابالا ويوسف اسامه وعمر السعيد وعبدالله جمعة”.
واضاف :” لازم يكون في توازن بين اللعيبة اللي لعبت كتير وبين ان تشيلهم معك، امام عاشور وسيف الجزيري وزيزو والونش والمثلوثي ولازم يريحوا علشان تلاقيهم في ماتش فاركو”.
واوضح ميدو :”فرقة فاركو محترمه ومعهم مدرب كويس اوي نونو الميدا، هو بيتعادل كتير لان عنده مشاكل في الهجوم
لكن منظمين دفاعيا جدا “.
و شدد: “ماتش فاركو ليس سهل ولازم يكون الزمالك في قمة تركيزه، ولعيبته الكبار فريش ميتلهكوش في ماتش الاسماعيلي”.
وواصل ميدو:” الزمالك رغم وقف القيدً لكنه عنده لعيبه تقدر تلعب ماتش بكره وتعديه مع احترامي للاسماعيلي، ومتقوليش انه يكون عنده مشكله انه بيلعب بحازم امام وروقا ومحمود علاء وعبدالشافي وعبد الله جمعة ويوسف اسامه وعمر السعيد، وبالشباب لانهم محتاجين يثبتوا نفسهم ومعك الكبار بره يلعبوا ربع اونص ساعه”.
واكمل:” اكيد فيريرا عارف كده بخبراته مش محتاج ميدو اللي يقوله، الصح انه يلعب بالشكل ده بيريح الاساسين، انت عاوز تحسم الدوري لازم تريح لعيبتك لماتش فاركو حتى لوطلب يلعب تقوله لا، لانه مش عارف مصلحته مش عارف ان الاسبوع بين المباراتين كنز”.
اختتم: “في لعيبه صغيره لعبت عدد كتير من المباريات وهي مش متأسسه تلعب بالضغط ده، ومنهم عبدالله نيمار وحسام عبدالمجيد، ولازم الزمالك ياخد باله منهم”.
