حذر أحمد حسام ميدو لاعب الزمالك السابق، مرتضى منصور رئيس الفارس الابيض من عدم حصول النادي على حقه من الشركة الراعية كبطل للدوري، وألا يتم معاملته مثل الأهلي.
وحرص الثنائي المستشار مرتضى منصور رئيس نادي الزمالك وأحمد حسام ميدو نجم الفريق السابق على حضور افتتاح “الكافيه الجديد” الخاص بمحمود حمدي الونش مدافع الفريق الأول في القلعة البيضاء.
وقال ميدو في تصريحات عبر فيديو تم بثه بقناة الزمالك على هامش افتتاح كافيه الونش: “مبروك للونش واحد من أرجل اللاعبين في مصر برة وجودة الملعب”.
واضاف:” ابارك للمستشار على الأداء الإداري الرائع والتغيير الجذري في الشهور الأخيرة ”
وتابع ميدو: “التغيير الجذري اللى حصل في الزمالك لأنه معجزة في الاول الزمالك كان يعاب عليه أن مشاكله في المكتب لكن دلوقتي الزمالك بقى نموذج وحاليا امير مع فيريرا قادر يبنى فريق محترم”.
واردف:” بقول للجمهور مفيش حاجة اسمها ازعل الإدارة ان الإدارة جايبة لاعبين فرى دى ميزة، الزمالك أصبح نادي متكامل الأركان في كل عناصر النجاح
وواصل: “كنت دايما اول واحد بيدافع عن الزمالك في اى مشاكل، لما محمد كامل حب يفرق بين الاهلي والزمالك في عقد الرعاية وقفتله وقولت مينفعش”.
وشدد:” لو اى حد هيجي على الزمالك من برة مش هسكتله، انا شايف ان فيه أولوية بتتعمل للنادي الاهلي في بعض النقاط مش هنسكت على سبيل المثال الزمالك لازم ياخد حقوق بث ورعاية زى الاهلي بالظبط”.
واختتم: “عندى تخوف أن الزمالك يبقى نمرة 2 تاني وعارف ان المستشار مش هيسمح بده، لايمكن ابدا اننا نقبل ناخد حقوق رعاية اقل بحنية واحد من اى نادي تاني
