أشاد احمد حسام ميدو لاعب نادي الزمالك السابق بمرتضى منصور رئيس الفارس الابيض وجوسفالدو فيريرا المدير الفني للقلعة البيضاء وامير مرتضى المشرف العام على الكرة.
وقال احمد حسام ميدو في تصريحات ببرنامج زملكاوي عبر قناة الزمالك: “بتشرف ان موجود على قناة الزمالك مبروك للجمهور والمستشار مرتضى وللاعبيه والجهاز الفني”.
واضاف؛”احنا احسن فريق ونادي في مصر، وباذن الله نفضل متفوقين وناخد الدوري الـ3 على التوالي”.
وشدد ميدو: “الادارة المحترمة اللي وفرت كل الامكانيات للمدرب والمناخ الصحي، انهم يقدروا ينافسوا على كل البطولات، الامور كانت صعبه، مرتضى منصور بطل قدر يكسب بطوله صعبه جدا ومن اصعب البطولات في تاريخ الزمالك”.
واردف:”بوجه التحيه لمرتضى منصور وبقوله احنا كلنا وراك، وباذن الله نفوز بـ3 دوري لاول مره في التاريخ”.
وشدد ميدو:”جمهور الـ3 يمين دول اهلي وبشكرهم، انا كنت موجود لقيت احسن استقبال من جمهور الزمالك، الفارس الابيض بالنسبه لي احلى ذكريات كونتها في حياتي”.
واكمل:” سعيد وفخور بادارة الزمالك وبمرتضى لانه وصل لافضل درجات الادارة الرياضيه وبامير اللي قدر يتعلم من اخطائه واصبح من افضل مديرين الكرة في تاريخ مصر”.
واستطرد ميدو:”وفخور ان الزمالك اخطاءه قليله، وبنكسب اي حد وربنا يكرمنا نفضل في نفس المستوي، فيريرا معلم، وقدر يوظف اللعيبه ويحدد مساحات تحركهم وعارف النادي والمشاكل امير كان له دور كبير في عودته ويارب يفضل موجود”.
ووجه رساله لجمهور الزمالك قائلا:”اوعوا تخلوا حد يبوظ فرحتكم، احنا اجمد فرقه و نادي في مصر وافخروا واحتلفوا”.
وتابع لاعب الزمالك السابق:”المكان والفريق والنادي اهم من اي لاعب، ودي رساله وصلتها الادارة للعيبه، وبثق في امير وقدر يكتسب خبرات، وهو مكسب كبير للزمالك وفخور بالاداء الاداري ونفضل متجمعين على حب الزمالك”.
واختتم:”انا دربت ابراهيما نداي في وادي دجلة، وهو لاعب كبير وهيستفيد منه الزمالك وهيكون من احسن اللعيبه واختياره موفق”.
