انتقد الإعلامي هاني حتحوت، جماهير النادي الأهلي بسبب أحاديثهم عن “زملكة الدوله والاعلام” بالاضافة لهجومهم على الحكام واتهامهم انهم وراء خسارة الأحمر للبطولات.
وقال هاني حتحوت في تصريحات ببرنامج الماتش عبر قناة صدى البلد:”الاهلي الغي هدف وفاركو قالوا لنا ضربة جزاء ولم تحتسب، سيد عبد الحفيظ اعترض اعتراض واسعا وكان هناك هتافات جماهيريه ضد لجنة الحكام واحمد الغندور حكم المباراة”.
واضاف:” سيد عبد الحفيظ راح للحكم الرابع يوريه الهدف بالفيديو ويؤ كد انه مش اوفسايد، وحصد بطاقة صفراء وبطاقات كابتن سيد عبدالحفيظ كثيرة مما ادى الى ايقافه”.
وتابع حتحوت:” الجماهير خلال المباراة اعترضوا على الحكم وهتفوا ضد اللعيبه، وشافوا ان في تقصير وان المستوى مش كويس وده يدل على فهم، مش هنودي الموضوع وكل اللي بيحصل على القرارات التحكيميه، و انك تحط ايدك على الاخطاء الاسباب الحقيقيه لفقدانك الدوري نقطه مهمة، علشان تعرف تعالجها، هتف الجمهور طلعوا الناشئين لعيبه شبعانين، الاهلي عايز رجاله مش لعيبه عالهً شمال يمين طلعوا الناشئين”.
وشدد:”جمهور السوشيال ميديا الاهلاوي ازعلوا واغضبوا وحسوا انه الاهلي اتظلم النهارده، لكن لاتقول ان فقدان الدوري اذا تم بسبب الحكام او زملكة للدوله والاعلام”.
واوضح حتحوت:” ساعتها انت علقت شماعات، علقها مجلس ادارة الاهلي للاعبيه هذا الموسم، عمل رقم قياسي لاصدار للبيانات انت وحش انت جيت عليا انت ظلمتني انا مظلوم والحقوني والكل ضدي، رقم واحد كون عدوات، ورقم 2 وعلق شماعات للعيبته ولنفسه، وانا مبغلطش وغيري بيغلط وانا مينفعش اخسر،لا الاهلي ينفع يخسر عادي، مادام في قرارات غلط اداريه وفنيه وقرارت ضد مصلحته”.
وواصل:” ازاي يصلح كل ده؟، يفكر في هدوء ويشوف الغلط فين، هل الاهلي فقد كل البطولات دي الدوري وافريقيا والكاس والسوبر بسبب الحكام”.
اختتم :” لادارة الاهلي شوفوا الغلط فين، وابعدوا عن السوشيال ميديا وغضب الجمهور خلوه عليكم انتم بس، ولوده موسم سقوط ميكونش الموسم الجاي سقوط”.
