أشاد محمد صلاح مدرب الزمالك السابق، بجميع منظومه الفارس الأبيض متمثله في الجمهور واللاعبين والجهاز الفني والإدارة النادي وذلك بعد التتويج ببطولة الدوري المصري.
وقال محمد صلاح في مداخله هاتفيه ببرنامج اخبارنا عبر قناة الزمالك: “الزمالك ده بيتي ومبروك لنا كلنا كله علشان الزمالك يهون”
واضاف: “دايما بقول ربنا انعم علينا ان عندنا جمهور بهذا الوعي معنا في الحلوه والمره وعانى كثير ولكن حبهم ومايفعلوه مع الفريق يشرفنا لان عندنا ناس بتفهم مين بيحب النادي وبيحبوا الاعبين صغار قبل الكبار، اكبر هديه من ربنا ان الدوري مكافأة لهم”.
وتابع صلاح:” دايما شهادتي مجروحه في المستشار مرتضى، الموسم اللي كان بره النادي كان بيقول نفسي افرح الجمهور وكان في ترابط روحي بينهم، هو وفر كل عوامل النجاح والاستقرار لفيريرا واللاعبين وساعدهم على حصد الدوري”.
وواصل: “رسالتي للاعبين لوفي ايدي اعملكم يافطه باسمكم بالنادي وباسم كل من ساهم في ظل ظروف تعجيزيه اننا نفوز بالدوري وفي 4 شهورالامور انقلبت،
بشكركم انكم اتحملتوا وصبرتوا وضيعتوا لنا التفكير ومحسناش برحيل طارق وابوجبل وبنشرقي واوناجم”.
واوضح:” كرنڤال احتفال الجمهور اللي حصل من الاستاد للنادي اول مرة تحصل بالشكل ده”.
ووجه حديثه لفيريرا قائلًا: “يارجل ياعجوز، المعنى ده جميل، مش اي حد يكون بروفيسور وبيكون بالفكر ده، هو ذاكر اللي في الزمالك، وحط ايده على المفاتيح واشكر امير واسامه نبيه وشيكابالا وبقول لفيريرا يا عجوز انجزت”.
واكمل صلاح:” ان شاء الله زكريا الوردي وابراهيما نداي يكونوا اضافة لانهم في مراكز الفريق محتاجها ودلوقتي استحاله لاعب يدخل الا وتم دارسة كبيره”.
واردف:” الزمالك اخد الكاس والدوري بالعدل الموجود، من الادارة والجهاز الفني وخصوصا بعد قرار عدم التجديد للاعبين وارساء مبدا اللي مش عاوزنا مش عاوزينه”.
واختتم: “هقول على فيريرا العصامي بدل العجوز، لانه مكنش معه حاجه واخد كل حاجه، الزمالك لم يكن مصنف للفوز بالبطولات ولكن اخد الدوري والكاس، واشتغل بهدوء ومشي مع اللاعبين تاتا تاتا”.
