رضا عبد العال يفتح النار على فيتوريا بسبب لاعبي الزمالك .. ورساله قاسيه لحازم امام وبركات !!

رضا عبد العال يفتح النار على فيتوريا بسبب لاعبي الزمالك .. ورساله قاسيه لحازم امام وبركات !!

فتح نجم الزمالك السابق والمحلل الحالي رضا عبد العال النار على المدير الفني للمنتخب الوطني روي فيتوريا بسبب أزمه لاعبي الزمالك الدوليين ، كما وجه رساله قاسيه لحازم امام ومحمد بركات عضوي مجلس اداره اتحاد الكره بسبب اختيارات المديرين الفنيين للمنتخب.

 

وقال عبد العال :”فيتوريا اتهز من الاعلام والسوشيال ميديا وطلع عمل مؤتمر عشان يرد ويبرر ويتكلم عن عواد والزمالك وقال انا خدت ٤ بس طب بتاخد ال٤ لعيبه دول ليه لما هو عشان الزمالك ؟”.

 

وواصل :”انا بحمل بركات وحازم امام المسئوليه وخصوصاً حازم امام اللي فتح صدره وقال انا جبت فيتوريا من الأهلي وهيعمل ويسوي “.

 

وأضاف :”انت جايب مدرب ٤ سنين عشان يقولك انا مش هكسب افريقيا ومش هنتأهل كاس عالم امال انت جاي تعمل ايه ؟ وجاي تلعب مع البنجر والنيجر هي دي منتخبات ؟ “.

 

وأكمل :”الناس دي بتضحك علينا وقالوا معندناش لعيبه لا عندنا لعيبه ومعندناش مدرب امال وصلنا اننا نلاعب السنغال ونخسر ضربات جزاء ازاي ؟ لا عندنا لعيبه بس مفيش مدرب”.

 

وشدد :”انتوا مش عاوزين تلاعبوا الكاميرون والمنتخبات الكبيره عشان لو خسرتوا هتتفضحوا وتمشوا ، لكن متجيش تقولي انا بعمل تدرج فالمستوى لا انت تعمل تدرج في المستوى من فوق لتحت “.

 

وأردف :”مع احترامي لحازم وبركات انتوا لعيبه كبيره لكن مش عارفين تديروا امشوا ، انتوا فماتشين ملهمش لازمه جايبين صلاح تمرمطوه هو والمحترفين ليه ؟ ما انا اشوف عواد ومروان عطيه و جاد كله ضحك على الدقون “.

 

وأتم :”انت قولت يا اسلام امبارح في الانترو انهم خدوا الشناوي اللي مبيلعبش على حساب عواد عشان لو عواد لعب هيركب وانت فعلا صح ، انت يا فيتوريا شوفت حمدي فتحي و الشناوي منين ؟ شوفتهم في المنام ؟ وتقولي استبعدت السوليه عشان مصاب امال دول كانوا فين ولعبوا فين ؟” .

تعليقات الزوار
close
Share via
Copy link
Powered by Social Snap