أكد أحمد مرتضى منصور عضو مجلس ادارة الزمالك ورئيس بعثة الفارس الابيض بدولة قطر، ان كل امور الفريق على مايرام، وتغنى باستقبال الجمهور لهم ووجه الشكر للمسئولين في قطر.
وقال احمد مرتضى في مداخله هاتفية ببرنامج زملكاةي عبر قناة الزمالك: وصلت الدوحه بعد وصول الزمالك لقطر وكان معي وفد من الصحفيين، وباقي الوفي الاعلامي سيصل غدا”.
واضاف: الاستقبال تمام وكل الامور مستقرة والفريق تم تسكينه في الفندق، ربنا يكرمنا بالفوز، وبطمن الناس وبشكر جمهور الزمالك العظيم واقفين في المطار باعداد كبيره لا استطيع اعطيهم حقهم”.
واردف مرتضى:”بشكر السلطات القطرية، الناس بتحاول تبذل اقصى قدراتهم مرحبين بنا و التامين على اعلى مستوى”.
وشدد:” الناس هنا في تأمين فوق الوصف، هناك فرد امن على باب اوضتي، واحنا ولاد مرتضى هنخاف من ايه الامور طبيعيه”.
واوضح مرتضى: “لم اجتمع مع اللاعبين حتى الان كلهم مركزين، مجلس الادارة يقيم في فندق منفصل”.
وواصل:” المباراة صعبه وكبيره مع الهلال، ولازم يتعمل لها حسابها ولاعبي الزمالك رجاله، وهيعملوا اللي عليهم، كل10 دقائق المستشار مرتضى ببيتصل يطمن علينا وعلى البعثة”.
واستكمل مرتضى:”عندنا مشرف عام على الكرة امير مرتضى فظيع مقفل الدنيا لان الادارة في مكان تاني
. محدش بيدخل فندق الاقامة للاعبين، الفريق ثكنه عسكريه، مطعم مخصص للزمالك ومكان دخول، بشكرهم عاملين الواجب وزيادة ونتمنى لهم للتوفيق بكاس العالم”.
واستطرد:” الزمالك العصر الحديث اذا كانت المكافاة 5بياخدها100، كلنا خدامين عندالجمهور، واي حد بيحقق فوز عنينا له، يكسبوا المكافات اسهل حاجه”.
واكمل:” هم بيستغربوا الزمالك في فلوس وكان ايام اللجنة بيقولوا مفيش فلوس، لا في واي حد هيسعد الجمهور هيتشال فوق للراس”.
واختتم:”في4 طيارات جايبن بكره من الجمهور وصحفين ويوم الجمعه في طيارت للجمهور هيجوا يحضروا الماتش، الامور مستقرة احنا ببلدنا وفي وسط اهلنا واللي بيبعت الرسايل ده شخص متخلف”.
