أكد أمير مرتضى منصور المشرف العام على الكرة بنادي الزمالك، انه لايوجد عدد كافي لخوض مباراة الاياب امام إيليكت التشادي، وناشد اتحاد الكرة لحل الامر.
وقال امير مرتضى في مداخله هاتفيه بقناة الزمالك: “فوجئت ان اللاعبين الدوليين تغيبوا عن مران اليوم وانضموا للمنتخب بدون علمنا، و اخطارنا من قبل اتحاد الكرة”.
واضاف:” خاطبت اتحاد الكرة رسميا للتاكيد على وجود ازمه قبل مباراة ايليكت وشرحت ان في استحاله نكمل الـ18 قايمة الماتش”.
واوضح مرتضى: “اتحاد الكرة بعتلي جواب بيطلب رباعي المنتخب من نص ساعه، وبعدما انضموا للمعسكر بالفعل دون التواصل معنا، وقال يظبط الورق لانه نسي انه يبعت لنا، وكان ممكن نتعبرهم متغيبين عن التمرين كلمناهم قالوا اداري المنتخب كلمنا بدون جواب رسمي للزمالك”.
وشدد:” ده مستقبل الفريق، ومش معنى كسبت في الذهاب العب بـ14 لاعب منهم 3 حراس مرمى، ومع احترامي لمدير المنتخب المفروض يتواصل معايا علشان منعملش مداخله”.
وواصل مرتضى:” انا واحنا فقطر بتكلم مع جمال علان رئيس الاتحاد ووليد العطار وقولتلهم، الزمالك مضغوط هو النادي الوحيد دخلنا في كاس لوسيل وعندنا دور الـ64 ولعيبه بمشيها وفي لاعبيه مقيده افريقيا وبيعتها”.
واكمل:” المفروض يكون عندهم سينس ومش عاوز ادخل في نغمة اشمعنى الزمالك، وكلمت الاستاذ جمال علام عن قصة مباراة إيليكت تشاد، والنهارده في التدريب اتفاجئت 14 لاعب منهم 3 حراس”.
واردف مرتضى:” الـ4 لاعيبه زيزو وامام والونش وفتوح في المنتخب،وكمان انا بتحرم من صبحي وعمر جابر انهم يكونوا في فترة الاعداد ودونجا اتصاب مع المنتخب”.
واستطرد: “مينفعش يتقالي انا حاسس بك بس لواديتك لعيبتك، نادي تاني هيقول اشمعنى، مش هستنى لما اخرج من افريقيا”.
واشار:” انا مقولتش اشمعنى وفي فريق تاني 3 الدوري بيلعب في دوري الابطال والثاني كونفيدراليه قولت مليش دعوة علشان منزودش الاحتقان وهم بالتفاصيل الصغيره بيزودوه”.
وزاد مرتضى: “انا بوصل الرساله لاتحاد الكره بعد جوابي ان في عندي ازمه ومفيش غير14لاعب اخوض بهم مباراة إيليكت منهم 3 حراس، رد عليه بجواب يقولي عاوز لعيبتك وهي اصلا عنده بدون مايخطرني”.
واسترسل:” الاحتقان بيحصل من التفاصيل الصغيره،
الاستاذ مدير المنتخب مع احترامي له محمد غرابه كان المفترض يكلمني، وهم عندك في المعسكر وبعتلي جواب يقولي بستدعيهم”.
وتساءل مرتضى:” هو بيستف ورق؟، هو المفروض يساعدنا ولاقولنا اشمعنى احنا بنلعب في دور الـ64 ولاقولنا ليه النادي التاني بيلعب دوري ابطال وهو مركز 3، انا ببلغ عن طريق قناة الزمالك”.
واستكمل:”انا خلال3 ساعات قاعد مع فيريرا وهو في حالة استياء شديدة بسبب عدم المخاطبه الرسميه وازاي يكلموا اللعيبه تعالوا على المعسكر ومترحوش تدريب الزمالك، ونتفاجئ باللعيبه محضرتش التمرين ونكلمهم يقولوا الاداري كلمنا وهم بحسن نيه راحوا”.
وتطرق في حديثه قائلا:”كلمت مسئول بالاتحاد ولاما الكاف ياجلي لاما المدير الفني يسيب لعيبتي، مش شغلي ادور على رقم فيتوريا واكلمه ولا اقول فيريرا يكلمه، المفروض هم يتواصلوا معنا، ده مستقبل نادي بامال جماهير ومجلس ادارة، الكاف يقولي انا اجلتها يوم25 علشان تلعبوا كاس لوسيل احنا كنا مرتبين كل امورنا لومتاجلش”.
اختتم:” بناشد الاستاذ جمال علام ومجلس ادارة الاتحاد، عندنا مشكله مفيش غير14 لاعب منهم 3 حراس، وبطلب منهم يحل مشكله نادي الزمالك المصري، انا معنديش هجوم ولا باك رايت وحسام اشرف مصاب، مش معقول هلعب مباراة بـ11 لاعب”.
