فتح أمير مرتضى منصور المشرف العام على الكرة بالزمالك النار على مسئولي اتحاد الكرة، بسبب لاعبي الفارس الابيض الدوليين، وحرمان الفريق منهم في مباراة الاياب امام إليكت التشادي.
وقال امير مرتضى في مداخله هاتفيه ببرنامج زملكاوي عبر قناةالزمالك: “انا بوصل الرساله لاتحاد الكره بعد جوابي ان في عندي ازمه ومفيش غير14لاعب اخوض بهم مباراة إيليكت منهم 3 حراس، رد عليه بجواب يقولي عاوز لعيبتك وهي اصلا عنده بدون مايخطرني”.
واضاف:” الاحتقان بيحصل من التفاصيل الصغيره،
الاستاذ مدير المنتخب مع احترامي له محمد غرابه كان المفترض يكلمني، وهم عندك في المعسكر وبعتلي جواب يقولي بستدعيهم”.
وشدد مرتضى:” هو بيستف ورق؟، هو المفروض يساعدنا ولاقولنا اشمعنى احنا بنلعب في دور الـ64 ولاقولنا ليه النادي التاني بيلعب دوري ابطال وهو مركز 3، انا ببلغ عن طريق قناة الزمالك”.
واوضح:”انا خلال3 ساعات قاعد مع فيريرا وهو في حالة استياء شديدة بسبب عدم المخاطبه الرسميه وازاي يكلموا اللعيبه تعالوا على المعسكر ومترحوش تدريب الزمالك، ونتفاجئ باللعيبه محضرتش التمرين ونكلمهم يقولوا الاداري كلمنا وهم بحسن نيه راحوا”.
وواصل مرتضى:”كلمت مسئول بالاتحاد ولاما الكاف ياجلي لاما المدير الفني يسيب لعيبتي، مش شغلي ادور على رقم فيتوريا واكلمه ولا اقول فيريرا يكلمه
المفروض هم يتواصلوا معنا، ده مستقبل نادي بامال جماهير ومجلس ادارة”.
واكمل:” الكاف يقولي انا اجلتها يوم25 علشان تلعبوا كاس لوسيل احنا كنا مرتبين كل امورنا لومتاجلش”.
اختتم:” بناشد الاستاذ جمال علام ومجلس ادارة الاتحاد، عندنا مشكله مفيش غير14 لاعب منهم 3 حراس، وبطلب منهم يحل مشكله نادي الزمالك المصري، انا معنديش هجوم ولا باك رايت وحسام اشرف مصاب، مش معقول هلعب مباراة بـ11 لاعب”.
