فجر امير مرتضى منصور المشرف العام على الكرة بنادي الزمالك مفاجأة صادمة بشأن استدعاء لاعب الفارس الابيض لمنتخب مصر
وقال امير مرتضى في مداخله هاتفيه بقناة الزمالك: “فوجئت ان اللاعبين الدوليين تغيبوا عن مران اليوم وانضموا للمنتخب بدون علمنا و اخطارنا من قبل اتحاد الكرة”.
واضاف:” خاطبت اتحاد الكرة رسميا للتاكيد على وجود ازمه قبل مباراة ايليكت وشرحت ان في استحاله نكمل الـ18 قايمة الماتش”.
واوضح مرتضى: “اتحاد الكرة بعتلي جواب بيطلب رباعي المنتخب من نص ساعه، وبعد ما انضموا للمعسكر بالفعل دون التواصل معنا، وقال يظبط الورق لانه نسي انه يبعت لنا، وكان ممكن نتعبرهم متغيبين عن التمرين كلمناهم قالوا اداري المنتخب كلمنا بدون جواب رسمي للزمالك”.
وشدد:” ده مستقبل الفريق ومش معنى كسبت العب ب14 لاعب منهم 3 حراس مرمى، ومع احترامي لمدير المنتخب المفروض يتواصل معايا علشان منعملش مداخله”.
وواصل مرتضى:” انا واحنا في قطر بتكلم مع جمال علام رئيس الاتحاد ووليد العطار وقولتلهم عندنا ارمة بسبب مباراة إيليكت، الزمالك مضغوط هو النادي الوحيد دخلنا في كاس لوسيل وعندنا دور الـ64 ولعيبه بمشيها وفي لاعبيه مقيده افريقيا وبيعتها”.
واكمل:” المفروض يكون عندهم سينس ومش عاوز ادخل في نغمة اشمعنى الزمالك، وكلمت الاستاذ جمال علام عن قصة مباراة إيليكت تشاد، والنهارده في التدريب اتفاجئت 14 لاعب منهم 3 حراس”.
واردف مرتضى:” الـ4 لاعيبه زيزو وامام والونش وفتوح في المنتخب، وكمان انا بتحرم من صبحي وعمر جابر انهم يكونوا في فترة الاعداد ودونجا اتصاب مع المنتخب”.
واستطرد: “مينفعش يتقالي انا حاسس بك بس لواديتك لعيبتك،نادي تاني هيقول اشمعنى، مش هستنى لما اخرج من افريقيا”.
واختتم:” انا مقولتش اشمعنى وفي فريق تاني 3 الدوري بيلعب في دوري الابطال والثاني كونفيدراليه قولت مليش دعوة علشان منزودش الاحتقان وهم بالتفاصيل الصغيره بيزودوه”.
