“إشمعنى البدري وإيهاب جلال”.. خالد الغندور يشن هجوم ضاري على الجميع بسبب مدرب منتخب مصر
شن الإعلامي خالد الغندور هجوم ضاري على الجميع بسبب المدرب المصري في جهاز ڤيتوريا المدير الفني لمنتخبنا الوطني.
وقال خالد الغندور في تصريحات ببرنامج زملكاةي عبر قناة الزمالك: “ڤيتوريا عرضوا عليه اكثر من اسم وكانوا بيزقوا محمد شوقي ومحمد يوسف، لكن هو رفضهم لانه طلب مساعد لم يتولى القياده الفنيه من قبل وصغير في السن علشان ينعلم”.
واضاف:”تم اختيار ايمن عبد العزيز لاعب الزمالك ومنتخب مصر، بعدها الدنيا والصحفيين بيهاجموا حازم امام وايمن”.
وشدد الغندور:” هو علشان ايمن منتمي للزمالك هتدوسوا على حازم إمام، اشمعنى محمد بركات وحسام البدري واحمد ايوب وايهاب جلال وضياء السيد ووائل رياض وعصام الحضري ووائل جمعه اللي كان مدير منتخب وهو بلا خبرات كان محلل في قنوات بي ان وكل هؤلاء تم تعيينهم مع المنتخبات”.
واضاف:”انت المهم عندك يكون في كوادر تابعه لك، حتى لو مفيش خبرات ولما يجي ايمن عبدالعزيز يتقال زملكه الدولة”.
واردف الغندور: “احنا لن نترك مدربنا في القناة وسنقف معهم ولن نتخلى عن نجومنا وهندعمهم، انتم ف القنوات الفئويه بتدوسوا عليهم، متزعلوش ليه لما كان مصطفى مراد فهمي وشطة في الكاف وبيتم مجاملتكم وبعدها اشتغلوا فشركة الكرة بالاهلي، انتم عايزين ايه مش فاهم؟”.
واستطرد:” مبتزعلوش ليه لما عدلي القيعي كان في اتحاد الكرة ووقع عقوبه على ابراهيم سعيد غرامه وايقاف، ولما اخد عقد اسلام الشاطر من الزمالك ورجعه من اتحاد جده للاهلي”.
وزاد الغندور:”مش هنقبل يداس على حازم امام وايمن عبد العزيز، اللي بنتمنى له للتوفيق زي مابنتمنى لشيتوس والحضري”.
واختتم:” معندناش الحسابات دي، في كُره وحقد ضد كل ماهو زملكاوي، مش هنسمح بده لان نجومنا من حقهم يكون لهم مكان”.
