بين تفعيل بند الشراء والإنتقال للأهلي.. حتحوت يوضح كواليس جديدة بشأن عودة محمد صبحي للزمالك

كشف الإعلامي هاني حتحوت، كواليس جديدة بشأن عودة محمد صبحي للزمالك، بالرغم من اعلان فاركو تفعيل بند الشراء في عقد اعارة الحارس.

وقال هاني حتحوت في تصريحات ببرنامج الماتش عبر فضائية صدى البلد: “عقد إعارة محمد صبحي لفاركو كان بقيمة 4 مليون جنيه، مع وجود بند تحويل الاعارة لشراء بقيمة20 مليون جنيه”.

واضاف:” محمد صبحي الاهلي كان عاوزه، والاحمر خاطب فاركو بطريقة انتم هتفعلوا البند واحنا هندفع مبلغ مالي ولعيبه وناخده، فاركو قالوا لا احنا كده كوبري، وده مبدا احنا حاطينه مش هنكون كوبري ورفضوا “.

وشدد حتحوت:”رفض فاركو انتقاله للاهلي الاستاذ مرتضى منصور رئيس الزمالك عن عدم عودة صبحي، ومع كلام الاهلي ان عندي3 حراس تفاجئنا اليوم بالاعلان عن عودة الحارس”.

واوضح: “صبحي كان عاوز الاهلي، وفاركو قاله لو فضلت متمسك كده بالاهلي مش هنفعل للبند فتحت في دماغه فكره العودة للزمالك”.

واضاف:”من 10 ايام ظهر الزمالك من جديد، الفارس الابيض عاوز صبحي يرجع، وهو مش عاوز يكمل بعد ماقصه الاهلي مبقتش متاحه”.

واكمل:” فاركو اخطر الزمالك بتحويل الاعارة لشراء
قبل نهاية الموسم بيوم، وخاطبوا الزمالك واتحاد الكرة بتفعيل بند الشراء، والفلوس مدفعنهاش لان معنا وقت لحين غلق باب القيد

واختتم:” هل فاركو هيعتبرها اعارة وخلصت ونكتفي اللي دفعناه 4 مليون ومفيش مشكله في رحيله،
ولا هيلجأ لاتحاد الكرة ويقوله في اخطار ارسلناه، ووقتها اتحاد الكرة ينظر ورق الزمالك وعقد صبحي ننتظر لنرى.