أشاد الإعلامي خالد الغندور، بادارة الزمالك وطريقة تعاملها في ملف الصفقات الجديدة، وحرصها على التعاقد مع لاعبين مميزين بالاضافة لتوفير ملايين لخزينة النادي.
وقال خالد الغندور في تصريحات تليفزيونيه ببرنامج زملكاوي عبر قناة الزمالك: “كلنا كزملكاويه مهتمين بمعرفة الصفقات الجديدة للفريق بعد سنه ونصف بدون صفقات، كلنا ثقه في مستر فيريرا باختيار فريق قوي، هو عاوز يدرب 25 لاعب فقط ويرمز مع مجموعه معينه وخاصة ان الموسم القادم غير مضغوط بشكل كبير”.
واضاف:” مش عاوز جمهور الزمالك يقلق لان فيريرا فاهم ولديه خبرات ودراسة وعلم، وبيعرف يبيني قناعاته ويوظف اللاعب في المكان السليم، وكلنا بنفهم كره لكن هو بيفهم اكتر مننا بكتير”.
وتابع الغندور:”تم تفعيل عقد محمد صبحي وياسين مرعي مع فاركو، وحصلنا على23 مليون، بالاضافة ان ماتش سوبر لوسيل اهميته تلعب في ملعب ممتلئ عن اخره، وفي حاله الفوز تاخد مليون ونصف دولار وهذا وقت مهم للحصول على اموال من اجل الصفقات الجديدة”.
وشدد:”عجبني ان الزمالك بيجيب صفقات قويه بدون مايدفع ملايين، امير مرتضى اشتغل على اللاعبين المنتهية عقودهم مع تميزهم، وشايفين بن شرقي لاعب كبير والجزيرة الاماراتي تعاقد معه في صفقة انتقال حر”.
وواصل الغندور: “ابراهميا نداي وزكريا الوردي واحمد منصورصفقات فري، وده بيوضح فكر امير مبيكلفش النادي وبيبعد السمسرة والعمولات، وده بيدل انهم بيدورا على مصلحة الفريق في ظل اقتراب المستويات بين اللاعبين”.
واكمل:” الزمالك بيتفاوض مع لاعب صغير السن انديه اخرى عرضت عليه مبلغ كبير، الانديه بتدفع فلوس اكتر من ميزانيتها وده بيودينا في داهيه”
واختتم:”جنش بنسبه كبيرة هيتم تفعيل عقده مع فيوتشر وعودته صعبه في هذا السن، كنا نتمنى ان محمد صبحي يكون موجود لكن هو لم يقاتل للعودة ولديه تفكير مختلف عننا”.
