انتقد خالد الغندور لاعب الزمالك السابق، الإعلام و منتقدي محمد عواد حارس مرمى الفارس الابيض، بعد هجومهم عليه بسبب حديثه عقب عدم استدعائه لمنتخب مصر.
وقال الإعلامي خالد الغندور في تصريحات تليفزيونيه
عبر قناة الزمالك:” الاعلام بينتقد عواد بشده بسبب بوست انه زعلان بسبب عدم استدعاءه للمنتخب”.
وتابع:”هل يعقل ان عواد رغم تالقه وانه افضل حارس مرمى في مصر، مينضمش للمنتخب، انتم عاوزين منه ايه؟، هو مقالش لعبني بس اختارني، تيجي تقولي بعد اللي قدمه مع الزمالك في الدوري والكاس انه مش من ضمن الاختيارات”.
واضاف الغندور:” انت بتاخد لاعب بناء على ايه؟، ده اسمه هزار، واللي بيهاجمه علشان زعلان يبقى ميفهمش حاجه، الاعلامي الصح يهاجم فيتوريا علشان اختيارته مش عواد علشان زعلان”.
وشدد:” لازم مقرر علينا ان طول حياتنا الحارس يكون من الاهلي، ثابت البطل وشوبير والحضري، ومحمد الشناوي كان في بتروجيت سنين منضمش اول لما راح الاهلي اصبح الحارس الاول”.
وواصل:” انت مبتاخدش عواد ليه؟ الزمالك فاز على بيراميدز 3 ومعذلك اخدت احمد الشناوي، عملنا ايه بالخبره شال3 و4 و5،ليه بتحبطوا الناس”.
واكمل: “عواد يستحق وطلعوا ان بالاتفاق وعواد سال فيريرا وقاله معرفش ولواتفقوا، كنت هعطيهم يعني زيزو وامام عاشور والونش وفتوح وادخل ماتش ايليكت بدونهم”.
وزاد:” تيجي تقولي عواد اخطئ، مفيش واحد فيكي يامصر بيفهم كره مكنش يقول عواد مش هينضم”
واختتم:” الرجل اتكلم بادب واحترام، لومدير فني ماخدش عواد دلوقتي وهو متألق هياخده بعد كده؟،
هو نجم نجوم مصر وماخدوش، يبقى كده مش هياخده ابدا”.
