انتقد مجدي عبد الغني لاعب الأهلي السابق، إدارة النادي الاحمر بسبب التعاقد مع شادي حسين مهاجم فريق سيراميكا كليوباترا.
وقال مجدي عبد الغني في تصريحات ببرنامج مع البلدوزر عبر قناة الشمس: ” الاهلي تعاقد مع شادي حسين 5 سنين، ازاي ده وهو سنه حوالي 30 سنه، ضميري ميسمحش ان اسكت”.
واضاف:” واحد عنده29 سنه واتعاقد معه5 سنين اضمن منين انه بعد الـ30 سنه يكون واقف على رجله،
اضمن منين ميجيش له اصابه وربنا يشفيه طبعا”.
وشدد عبد الغني:”انا بكلم على بيزنس ونادي بيحط فلوسه في المكان الحقيقي، وميرميش فلوسه على الارض”.
واوضح: ” في فرق بين لاعب اتربى بي نادي كبير وبينافس على البطولات وانديه تانيه، شادي حسين مترباش في اندية كبيرة ممكن نشأته في سيراميكا تخليه ميستحملش التدريب والضغط العصبي والنفسي”.
واضاف مجدي: “لما شادي يكون متربي في اندية غير الاهلي، المجهود اللي بيبذل والضغط النفسي مختلف ومبيجيش من فراغ”.
واكمل:” الطبيعي يوقع سنتين او3 مش خمسه، مش هيقعد لـسن35 وهو في نفس مستواه، انا كنت بموت نفسي تدريبات واعتزلت وانا عندي34 سنة”.
واختتم:” لاعب جاي من انديه مبتنافسش وعنده 30 سنه اكيد هيكون عاوز يثبت نفسه ويدرب اكتر فيتصاب، والاهلي عنده امثله منها حسين الشحات دفع فيه رقم ولم يعطي بالرقم اللي اخده”.
