شن الإعلامي خالد الغندور هجوم ضاري على اسلام الشاطر مقدم البرامج بقناة الأهلي، بسبب تصريحاته ضد الزمالك.
وقال خالد الغندور في تصريحات ببرنامج زملكاوس عبر قناة الزمالك: “انت بتقول الزمالك ازاي الزمالك بيجيب صفقات وهو محجوز على ارصدته، عيب يا اسلام، يعني احنا نصابين ومعندناش فلوس؟، انت ناسي اننا من سنه ونص مفيش صفقات وبيعنا لعيبه ودخل لنا مستحقات”.
واضاف:”انت ناسي اننا بيعنا لاعبين منهم مصطفى محمد واسلام جابر وغيرهم، وعقود رعايه وقناة بنصرف عليها، احنا لنا كمان غرامة كهربا”.
وتابع الغندور:” انت عرفت منين ان الصفقات خلصت بعد الحجز، ممكن مرتضى بعلاقاته يدفع الفلوس وكانت قبل الحجز”.
وشدد:” انت مالك، هو انا جيت قولتلك بيرسي تاو بـ2 مليون دولار ولا اليوبادجي بـ2 مليون ومشي بربع جنيه هو وبواليا، هل قولتله من اين لك هذا وايه عمولات مرات موسيماني؟، انت حسام حسن جبته ب20 مليون، كل دول لعيبه من سنه وقبلها، ميكيسوني كان جاي بمليون دولار ومشي بكام ولما نجي نكلم بقولك اعارة”.
وواصل:” انت حر ادفع فلوسك، وارميها في الارض واختيارتكم غلط ملكش دعوه بالزمالك “.
واكمل الغندور:” الزمالك فتره لجان ومفيش فلوس ومجلس منتخب بيتشال، وناس عاوره تدمر، واعلام ضدنا، انت تيجي تتعلم يعني ايه ادارة، ازاي الزمالك كسب دوري وكاس، هوانت متعترفش انك وحش ليه
واختتم: “الزمالك نجاحه مزعل ناس كتير، ومنزعلش من زعل الاهلاويه لان طبيعي ان هكون عاوزه مينجحش لاننا بنافس بعض”.
