تحدث البرتغالي چيسوالدو فيريرا المدير الفني لفريق الكره الأول بنادي الزمالك عن مواجهه الهلال السعودي المرتقبه غدا في بطوله كأس لوسيل ، كما وجه رساله لجمهور الزمالك المتواجد في قطر وفي كل الوطن العربي .
وقال فيريرا: “شرف كبير ليا العوده للدوحه ورؤيه بعض الوجوه التي اعرفها ، واستعاده الذكريات الطيبه هنا في قطر ، حبيت تواجدي في قطر والدوحه ، الوضع انك ترجع المكان الي كنت مبسوط فيه بتبقى فرحه كبيره “.
وأضاف :”ان يبقى عندنا فرصه التواجد في حفل افتتاح ستاد نهائي كاس العالم مع الزمالك هو فخر كبير جدا ليا واني اقدر اشارك في حدث على هذا المستوى ، حابب اوجه كلمه لجماهير الزمالك في قطر بالتأكيد هنعتمد على مساندتكم لينا بكره ، بالتأكيد الفوز بالمباراه هو هدفنا وهدف الفريق “.
وواصل :”الكل يعلم صدى استضافه قطر لكاس العالم مش بس على مستوى الرياضه ولكن على المستوى الاقتصادي والرياضي كمان نظرا لاهميه كاس العالم ، في وقت من الاوقات كانت بعض المواقع بتشكك في قدره دوله صغيره المساحه في استضافه كاس العالم ، قدرت اتابع في ٤ اعوام الاعمال والتطورات اللي قامت بيها قطر عشان استضافه كاس العالم ، مش من السهل بناء الستادات اللي قامت بيه قطر”.
وأكمل :” كنت سعيد وانا بشوف الدوحه والمدن المرافقه ليها بتطور عشان كاس العالم ، قبل بدايه كاس العالم بشهرين ونص احنا موجودين هنا في الستاد اللي هيستضيف كاس العالم بالتأكيد بقدم التهاني لامير قطر ودوله قطر على المجهودات الي تمت لاستضافه كاس العالم “.
وأردف :”كنت موجود في عام ٢٠١٧ في نهائي كأس الامير في افتتاح كاس خليفه وبعدها كنت في افتتاح ستاد الوكره ، دي هتكون تالت مشاركه ليا في افتتاح ستاد ودي حاجه كبيره بالنسبالي لانه الستاد الي هيستضيف نهائي كاس العالم وكمان عشان الزمالك هيلعب عليه و الزمالك بيحب يلعب النهائيات”.
وإستطرد :”الزمالك عامل موسم كويس جدا وكسبان الكاس والدوري ، وبسبب بعض المشاكل في جدول الدوري كان عندنا وقت قليل للاستعداد ، كان عندنا صعوبات كتير وفوزنا وبكره يوم صعب ولكننا هنكسب ، اخبروني ان في اكتر من ٣٠ الف مصري مقيم في قطر ، الجماهير المصريه هتحرك اللعيبه ، بكره بطلب من كله يحضر ويساند اللاعبين ، درجه الحراره ٢٢ وده هيساعد اللعيبه تعمل مباراه كويسه “.
وعن استعداد الزمالك للمباراه قال :”احنا هنلعب بكره ولغايه النهارده كابتن شيكابالا يشهد اننا متكلمناش ولا كلمه عن الهلال لسه ، بس ممكن تسألوا هل هو خوف ولا احترام زائد للخصم ، او ممكن نبقى قلقانين بزياده او خايفين ؟ الزمالك عنده نفس الاستعدادت للمباراه لكل ماتش ومش بتتغير مهما كان مين الخصم “.
وأكمل :”عندنا شكل تكتيكي و بنطبقه ، بيبقى عندنا مشكله بنحاول نحلها في كل مباراه ، طريقه لعبنا بتبقى بناء على طريقه لعب الخصم ودي الطريقه اللي لعبنا بيها في ٣٠.مباراه فاتت ، قبل ما اشتغل في السد القطري اشتغلت في الزمالك وكسبت معاهم دوري وكاس ولقيت معايا دلوقت لعيبه كانت معايا في ٢٠١٥ وده مهم عشان نحافظ على هويه الفريق ، مش بنغير طريقه لعبنا بناء على اسم الخصم ، بالتأكيد هيبقى فيه بعض التعديلات البسيطه بناء على طريقه لعب فريق الهلال “.
وأضاف :”زي ما شيكا قال ده نهائي واحنا عاوزين نفوز بيه ، وهنعمل كل المستطاع في المباراه امام فريق قوي اللي هو الهلال ، مش محتاج اقرر نقاط القوه ليهم ولا نقول نقاط الضعف ، ولكننا متحمسين للمباراه”.
وأتم :”كان في واقع ان الموسم طويل وانتهى بس من ٦ ايام ، ده ممكن يأثر على اللاعبين لانهم لم يحصلوا على الراحه الكافيه”.
مركز الأخبار مباشر |
جوزفالدو فيريرا – مدرب الزمالك المصري : شرف كبير لي في العودة إلى الدوحة مجدداً وفرصة جميلة لي التواجد في استاد لوسيل المونديالي #كأس_سوبر_لوسيل#الهلال #الزمالك#قنوات_الكاس pic.twitter.com/NuwxpjPYcR— قنوات الكاس (@alkasschannel) September 8, 2022
