فتح الإعلامي مجدي عبد الغني النار على مسئولي اتحاد الكرة، بسبب تواجد ايمن عبد العزيز في الجهاز الفني لمنتخب مصر برفقة روي ڤيتوريا.
وقال مجدي عبد الغني في تصريحات ببرنامج مع البلدوزر عبر قناة الشمس:” موضوع ايمن عبد العزيز كان عندنا خلفيه ان روي مش عاوز مصريين واتعرض عليه اكثر من اسم، وقال اللي هيجي يجي علشان يتعلم ولن يكون له دور وضيف شرف”.
واضاف: “بدأنا نسمع كلام وللاسف الشديد منتخب مصر بيلم ملايين وراه، ولما بيخفق بنلاقي نقد يسد عين الشمس ويصدروا حد معين، وفي الانتصارات تلاقي 500 واحد عاوزين يدخلوا ياخدوا الشو”.
وشدد عبد الغني:”قصه وجود ايمن عبد العزيز دي محتاجه توضيح الاستاذ جمال هو المشرف على المنتخب، وجود بركات وحازم امام هم مش مشرفين، ووجود عبد العزيز مش معناه ان حازم بيزملك المنتخب”.
واوضح:” لاما يكون في متحدث رسمي يطلع يوضح ايه بيحصل، وميتقالش حازم هو اللي جابه وعاوز يعمله دور وعاوز ياخد مرتب، اللي بيحصل هيعمل زعزعه داخل المنتخب لان اي كدبه بتمشي زي النار في الهشيم”.
وواصل عبد الغني:” اللي بيبقى تريند الفضايح لكن الحقيقه، عاوزين بدل ماده يقول كلمه وده كلمه لازم يكون في توضيح، هل ايمن عبد العزيز داخل ضد رغبه فيتوريا ولابالتنسيق ولا يتعلم ولا هيشتغل وياخد مرتب؟ “.
واختتم:”هل انتم عاملين حاجه غلط ولا وجود ايمن عبد العزيز غلطه، طلع بيان، ولوسمحتوا عرفوتا هل مساعد والرجل تقبله ولاعنده موقفه ان مش عاوز مساعد مصري”.
