تحدى المستشار مرتضى منصور رئيس نادي الزمالك، محمود الخطيب رئيس الاهلي بشأن صفقة محمد رضا بوبو لاعب فيوتشر.
وقال مرتضى منصور في فيديو تم بثه عبر قناة الزمالك: “جمهور الزمالك رقم واحد انا ممكن امشي واللعيبه والجهاز الفني يمشي، وشوفنا طارق حامد مشي والمعادله الوحيده الثابته هو جمهور الزمالك”.
واضاف:” نجحنا نوحد الجمهور كله من دون مسميات، واحد يقولي فين بوبو حضرتك تكلمني انا كده ازاي؟، مش بتقولوا بوبو راح الاهلي، لوراح هسيب الزمالك، كل الهري اللي بيعمه اخويا حنفي انا عارفه”.
وتابع مرتضى: “مش بيراميدز جدد لابراهيم عادل 4 سنين، لافي بوبو ولا احمد عاطف ولا ابراهيم عادل، انا في المطابخ وعارف مين رايح وجاي”.
واضاف:”واحد يقولي مين مروان عطيه ده لاعب الاتحاد السكندري اهو راح المنتخب، ممكن مع احترامي للجمهور انت لك النتيجة، والنتيجه هي بطولات دوري وكاس وسوبر، انت متعرفش انا جايب مين”.
وشدد مرتضى:” ممكن مع احترامي للجمهور انت لك عندي بطولات، ملكش تتدخل لان جمهور الزمالك بالملايين لو اخدنا برايهم المركب هتغرق”.
واوضح:” بيقولوا شتم امهات الزملكاويه اديني مبرر ان اشتمهم، وقولتهم وحياة امك هي دي شتيمه؟ وبعدين ازاي هقول امك للجماهير مش هم جمع، جمهور الزمالك واعي جدا”.
واضاف: “هو اللي عنده مشاكل وماخدش بطولات، وانا جبت لك البطولات ورجعتلك الكرامه والهيبه للنادي، ماتصبر الخريطه اتغيرت كنا هنتعاقد مع11 ولما فيريرا طلع الشباب العدد اكيد قل مش هجيب لاعب علشان يقعد واحد زي حسام عبدالمجيد”.
وواصل:” تعاقدنا مع زكريا الوردي قد طارق حامد100 مره وفي نفس الوقت ساسي، وابراهيما نداي هجام انت بتلكك ولاشعرةفي راسي بتتهز، جمهور الزمالك بالملايين فوق دماغي لما حد بيقل ادبه برد عليه على الهوا”.
واردف مرتضى: “واحد يقولي ازاي قاعد جانب ميدو عاوزني ازقه، ميدو بيدعم في الكيان والجهاز الفني وقاعد جانبي اقوله اقوم اذا كان الد خصومي قولتلهم تعالوا ورجعت العضويات المشطوبه”.
واستطرد:” مش عاوز مرتضى علشان اخد كل البطولات واحتكر كاس مصر وبطولتين في شهر، يبقى انت مش زملكاوي انت مرتشاوي وبتساعدوا حنفي، اللي عنده خراب وماخدش ولا بطوله وبياخد قروض، وانا عندي ربع مليار وبجيب احسن لعيبه في كل الالعاب هو جمهوره ولجانه وراه وانا جمهوري بيهاجمني انا”.
واختتم:” البطولة الوحيدة اللي لسه بطولة افريقيا لما عملوا المؤامرة عليا علشان مخدهاش، امير شغال 24 ساعه صفقات كل اللعيبه الجامده هيجيبها”.
