أعلن المستشار مرتضى منصور رئيس نادي الزمالك، عن تعنت مسؤولي فيوتشر في إتمام صفقة عمر كمال عبد الواحد إلي صفوف نادي الزمالك.
وقال “مرتضى” :”بقول لجماهير الزمالك متظلموش عمر كمال اللاعب سافر غصب عنه، والأخ وليد دعبس – العضو المنتدب لنادي فيوتشر- كنا عاملين جلسة لحسم الصفقة قال عاوز عمر، اديني مروان حمدي ومحمود علاء ونيمار”.
وفتح “مرتضى” النار على وليد دعبس :”بقول لـ وليد عبس انت بتتمنظر على ايه ده لاعب بتاعنا، احنا معنا عقد مع عمر كمال، الجمهور فاهم غلط إن السنة الأولى عمر يفسخ العقد مع فيوتشر مقابل دفع 200 ألف جنية وهذا الكلام غير صحيح”.
وأضاف “مرتضى” في تصريحات لبرنامج “زملكاوي”على قناة “الزمالك “:”اللجنة السابقة في الزمالك كانت عاملة كلمة شرف كلمة شرف مع عيال، ده لاعب بتاعك واخد فلوسه واللجنة ضحكت على الجمهور وقالت فيه عقد مع اللاعب”.
وتابع :”عمر كمال كان رافض يسافر ومخطوف وعلي ماهر بيتنطط ويقولي اديني علاء ونيمار ومروان، ويسألوه عاوز مين تاني ، وبقول لـ وليد دعبس هناخد عمر كمال”.
وأكمل ” أطمئن جمهور الزمالك مش عاوز اقول جيبنا لاعب أحسن من عمر كمال، لأنه لاعب كبير، لكن بالفعل احنا جابنا لاعب احسن من عمر كمال”.
وأكد “مرتضى” :” أنا مضحيش بـ مروان حمدي اللى كان معروض علينا فيه 18 مليون أول كلمه ولا نيمار ولا محمود علاء”.
وأعلن مرتضى منصور عن تفعيل بند الشراء في عقد “جنش” مع فيتوتشر قائلا :” فيوتشر فعل عقد جنش وفي اتفاق معهم بعدم التفعيل إلا بعد التنسيق، وأحمد دياب قالي اتعرض على حسين لبيب ياخدوا 4 مليون ونص في جنش قالهم لا ادينا مليون دلوقتي ومتبقي 2 ونصف مليون دولار كشرط جزائي”.
واستطرد :”إحنا معانا عقد عمر كمال وتم توثيقه في اتحاد الكرة، واحنا والنادي السياسي – فيوتشر- هنروح الفيفا، عرضنا عليهم عدد من الناشئين يقولك لا عايزين سيد نيمار، وبقول لـ على ماهر انت ولاحاجه انت خدام لنادي انت كنت شغال فيه”.
وأختتم “مرتضى” :”بشكر أحمد دياب ومحمد حلاوة – أعضاء إدارة نادي فيوتشر- لأنهم مكنش عجبهم كلام وليد دعبس ويقولهم ده لاعبهم، وبقول للجمهور محدش يغبط في عمر كان مصمم يجي وهيجي إن شاء الله”
