مرتضى منصور ينفعل على جماهير الزمالك :”مش هكتف زيزو علشان يقعد.. أجيبلكم ميسي”!!-فيديو

اكد المستشار مرتضى منصور رئيس نادي الزمالك، انه متمسك باستمرار احمد سيد زيزو مع الفارس المقبل وشدد انه لورغب اللاعب في الرحيل لن يستطيع ان يجبره على البقاء، ووجه رساله نارية للجماهير بشأن ااصفقات الجديدة.

وقال مرتضى منصور في فيديو تم بثه عبر قناة الزمالك:”زيزو عاوز يقعد واحنا عاوزينه يقعد هنعمله عقد محترم، مش ممكن اللي بيحصل، انا منذ 48 ساعه بخلص صفقات المصريين احسن لعيبه بكلم الاتحاد والجيش وفيوتشر وكل الناس”.

وشدد:”ده مناخ غير مناسب افرض زيزو قالي عاوز يمشي اكتفه غصب عنه وهو عنده شرط جزائي بحوالي 40 مليون جنيه”.

واضاف مرتضى:” ياجمهور الزمالك لاتمشوا ورا لجان الاهلي، عندنا ماتش مهم مع الهلال وفي مليون ونصف دولار عاوزين نكون مركزين، اصل ميدو قال وعلي قال”.

واردف: “ميدو سألني وانا جاوبت ان في عرض من الريان، ولكن انا غير موافق على رحيله لان هدفي اسعاد الملايين”.

واشار منصور:”ياجمهور الزمالك تعاقدنا مع احسن لاعب سلة واليد جبنا لاعب ومدرب افرحوا”.

وتابع:”خلصت من بن شرقي دخلنا في زيزو، ياجمهور متمشيش ورا الاهلي، هو فاشل في اختيار المدربين وحصل على ال3 واحنا اخدنا دوري وكاس”.

ووجه مرتضى حديثه للجماهير قائلا: “ياجمهور الزمالك افرحوا بالبطولات في كل الالعاب، لا هيمشي، في ايه ده نادي الزمالك اهم مني والمدربين والعيبه، مش معقول كل 5 دقايق حد يسالني افرض عاوز يمشي وعنده شرط جزائي هقعده غصب، الزمالك لن يقف على رئيس نادي ولا مدرب ولا لاعب”.

واستطرد:” زيزو لاعب محترم ومحترف وعارف ان الزمالك اللي عامل اسمه، هو احسن لاعب وهداف هل زيزو رد الجميل للزمالك انه يغير العتبه على الاقل يارجل متغيرش العتبه، والده محترم وبقوله بلاش تغير العتبه”.

واختتم:” بنجيب احسن الصفقات وكل لما اسم يترمي اننا هنتعاقد معه يتقال وحش، اجيبلكم ميسي و رونالدو محمدصلاح، مش ممكن”.