“الأهلي مش مضطهد وخليك في حالك”.. رد ناري من شوبير على أحاديث إضطهاد جماهير الاحمر-فيديو
رد الإعلامي أحمد شوبير، على احاديث اعضاء مجلس ادارة الاهلي بشأن اعداد الجماهير في مباريات الفريق الاحمر ومقارنتهم بجمهور الزمالك.
وقال أحمد شوبير في تصريحات ببرنامج ملعب اون عبر قناة اون تايم سبورتس: “العدد اللي دخل في مباراه الزمالك وسموحه أكبر من المسموح ولكن مين المسئول ؟ هل هما تذكرتي ؟ لا الله اعلم” .
واضاف: “خلي بالك انا بقولك المعلومه دي بعد ما قعدت ادور طول النهار وانا متأكد من اللي بقوله” .
وتابع شوبير: “في بعض الستادات بيبقى فيها تسرب كده زي برج العرب و المقاولين العرب وخصوصا في الملاعب الصغرى ، ولكن هل ده من الشركه ؟ من الدوله ؟ من التنظيم لا طبعا”.
واوضح:” في بعض جمهور الأهلي بيقول ان كل ما بندخل بنلاقي نفذت التذاكر انا هقولك اللي بيحصل ، بدخل انا وابن خالي وابن عمي واخويا ونحجز بعدين اروح انا واخويا بس فبتنزل باقي التذاكر تاني وانا بقولكوا ان تذكرتي يكاد يكونوا لقوا حل للمشكله دي ، لكن هل في اضطهاد لا طبعاً مفيش .
واختتم: “في قوى ناعمه في الرياضه والاهلي منهم والزمالك منهم والاسماعيلي منهم ، لكن في بعض الناس تقولك بص وبيضطهدوا الاهلي وبيحاربوا الاهلي بقولك ياعم لا مفيش الكلام ده احنا ماشيين كويس وخليك في حالك”.
