هاجم المستشار مرتضى منصور رئيس نادي الزمالك، مجدي أبوفريخة رئيس اتحاد كرة السلة بسبب ازمة قيد اللاعبين وطلبه رسوم القيد بالدولار.
وقال مرتضى منصور في تصريحات تليفزيونيه عبر قناة الزمالك:” الاخ ابوفريخه عاوز 37 الف دولار علشان اقيد لاعب سلة، هجيب دولارات منين، اذا كانت في مشكله لتوفير الدولارت، الكتاكيت ماتت بسبب عدم توافر الدولارت للافراج عن الاعلاف”.
وتابع:”وكفايه مصيبه انس اسامه وجاملت محمد عبدالمطلب”.
وشدد مرتضى: “عاوز 37 الف دولار علشان اقيد لاعب، و5٪ خدمات رياضيه ليه، انت لما بتاخد لاعبيه في المنتخب، بتدينا ايه”.
وواصل:” هيتقيد غصب عنك يا ابوفريخه، ياوزير الرياضه شوف اللي بيحصل في البلد”.
واكمل مرتضى:” هجيب لك منين دولارت، انا محجوز علي والمحترم جمال علام مقدر ظروفنا وبياخد بالجنيه”.
واوضح:” الانديه كلها بتكح تراب، الاهلي واخد قرض ب300 مليون، احنا محجوز علينا، الاسماعيلي مفيش معه، محمد مصيلحي قرب يطفش”.
واختتم:”جمهور الزمالك زعل على انس اسامه، هو مش عاوز بالسلامه، ماهو برده بضفيره، ولامؤاخذه لوكان عايش في شبرا كان اتزف”.
