“انتم شاربين ايه”.. قناة الزمالك تفتح النار على إتحاد الكرة بسبب لعب الدوري أثناء كأس العالم

فتح الإعلامي كريم ابوحسين النار على مسئولي إتحاد الكرة بشأن احاديثهم حول لعب مباريات الدوري الموسم الجديد اثناء منافسات كأس العالم.

وقال كريم ابوحسين في تصريحات تليفزيونيه ببرنامج زملكاوي عبر قناة الزمالك:” قرار لعب المباريات اثناء كاس العالم، انتم بتقولوا الكلام ده شاربين ايه”.

وتابع:” انتم علشان الننوس لعبتوا دوري كورونا اللي قولنا هيأثر على المواسم التاليه، والانديه كلها رفضت وهو لا وكملتوا الدوري”.

واضاف ابوحسين:”احنا عندنا 2 لعيبه وهم حمزة المثلوثي الباك رايت الاساسي والمهاجم الاساسي سيف الجزيري هيكونا مع منتخب تونس، انما المنافس عنده لاعب واحد ومركز مش مؤثر”.

وشدد:”مش هيحصل، ومش هنلعب اثناء كأس العالم ومش هنسمح بكده، ولا ادارة الكرة ولافيريرا هيوافقوا”.

واختتم:” العبوا كاس الرابطه رغم ان معترض على كده لكن تحرمني من لعيبتي لا، وتقولي اللوايح لا مفيش لوايح بتقول كده ولا البند ده للزمالك بس”.